Zakaliya 14:17 - Livulu lya Shukulu Kalunga

¹⁷ Nga muyati umo wa vanu vakavyana kuya nakulemesa Shukulu Kalunga Muka-nzili yoshe, co nyonzi kuyikanyokela mu lifuti lyavo.

Zakaliya 14:17 Iomraidhean Croise

Kushangumuka 10:32

Vanu voshe ava vapwile vatekulwila va Nowa, muyati na muyati, na vikota vyavo vyakulyangunuka. Omo livazi lyetile, miyati yoshe ili ano asi yatunda kuli vana va Nowa va vanalume.

Kushangumuka 12:3

Njikavezikisa vaje vakakuvezikisa, oloni njikasinga vaje vakakusinga. Co muli yove njikavezikisilamo miyati yoshe.”

Kushangumuka 28:14

Vatekulwila vove vakapwa vavangi manene ngwe livu lya ano asi. Co vakatuma nakushulisa lifuti eli lyoshe mu mitambela mwoshe, muli yove na muli vatekulwila vove njikavezikisilamo miyati yoshe.

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 8:35

“Omo ushoka lilu, co nyonzi kunyoka kwai, omwo vanu vanavulumuna kuli yove, oloni omo vatenguluka nakukenga ku Njuvo eyi, nakulombela nakulilumbilisa kuli yove,

2 Mizimbu 6:26

“Omo uvindika nyonzi omwo vanu vove vanalingi vuvi ku mesho ove, oloni omo vatenguluka nakukenga ku Njuvo eyi nakulombela nakulilumbilisa kuli yove,

2 Mizimbu 7:13

Oshe aje anjivindikila nyonzi, nambe anjitumina vimbimba valye vimbuto, nambe kutuma mushongo wakulitambwisa ali vanu vange,

Isaya 18:7

Simbu ilinakwija omo Shukulu Kalunga Muka-nzili yoshe akatambula milambu yakutunda ku lifuti lije lya kushango ya vindonga, ku muyati uje wa nzili na muuka, ku vanu vaje vavalaja va cikonde cakuseneta, vanu vaje vavatewa mu kaye mwoshe. Vakaija ku Munkinda wa Siyone, kuje kuvakalemesela Shukulu Kalunga Muka-nzili yoshe.

Isaya 45:23

Cikulaeso cange capwa ca vushunga, kucikatenguluka embwe. Njalikumiiya omwo yange njapwa munjapwa ngwange, munu woshe akaija nakutsikama ku mesho ange, co akalisinga kupwa wa kulongwa kuli yange.

Isaya 5:6

Njikacecelela cikule mu shaku, kunjikasalulamo minango nambe kushakwila mikolovozi ya vushuka vwa vinyu, nambe kulimamo, oloni njikecela mishwena na mambimbo icifwike. Co lalo njikavindika mashelwa kunyokelamo nyonzi.”

Isaya 60:12

Miyati ya vanu vaje vakavyana kukupangela vakainyongesa njwa.

Njelemiya 10:25

Vukalu vwove vwije a miyati ije kuvesi kukulemesa, na ali vanu vaje vaka-kukuvyana. Vanatsii vanu vove, vanatunyongesa njwa nakuseza lifuti lyetu ngundu.

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Njelemiya 14:3

Vaka-kufuka vatuma vangamba vavo mukutekula mema, vaya ku masima, oloni vawana mema ai, co vakeluka na vinjava vyavo vyamupulungwa. Vafwika ku mesho avo omwo shwamwa na lyova.

Njelemiya 14:4

Livu lyatavozoka myanzi, omwo kuli lilanga lyakama mu lifuti, vandimi vali na vusiwa mu vimbunge vyavo, co vafwika ku mesho avo.

Amose 3:2

“Ku miyati yoshe ya ano asi yeni lika vanjangwile nakuminyunga mwamuvwa. Evi vikevyo vyanenesa vivi vyeni kupwa vyakukomokesa, ngecivene, njikaminyanyamesa omwo vuvi vweni.”

Zakaliya 14:16

Asinoni vaje vasaleleo ku miyati yoshe ya vanu vaje valwisile Yelusalema vakaya ku Yelusalema a mwaka na mwaka mukulemesa Shukulu Kalunga Muka-nzili yoshe ngwe mwene, co vakalisamba a Ciwano ca Mapapela.

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Kwituluka mu Mashiko 11:17

Nga mukalingamo, co mukashambeya vukalu vwa Shukulu Kalunga. Co akashoka melu, nyonzi kuyikanyoko, livu likominina ngo, na vimbuto kuvikasa kumena. Co vwasi-vwasi mukanyonga, nameme likelyo linapu lifuti lyalivwa lije lyanamyana Shukulu Kalunga.

Yakomba 5:17

Elinja wapwile munu mu cifwa ngwe yetu vene. Walombelele manene ngeci nyonzi kesi inyoke, co nyonzi yalikelele kunyoka a myaka itatu na vingonde vitanu na imo.

Kujombolola 11:6

Vali na moko yakuvindika mashelwa ngeci nyonzi kesi inyoke simbu vacili nakwambulula lijwi lya Njambi. Vali lalo na moko a mema a tuvwelu-vwelu, kuwatengulula ngeci apwe maninga, vali lalo na moko yakuviisa kaye na miyati yoshe ya tuyando mwoshe-imwoshe muje muvashaka kulinga.