Zakaliya 13:9 - Livulu lya Shukulu Kalunga

⁹ Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Zakaliya 13:9 Iomraidhean Croise

2 Samwele 7:24

Unalingisa vaIsalele kupwa vanu vove ku myaka yoshe, co yove Shukulu Kalunga, unapu Njambi yavo.

Yombi 23:10

Oloni Njambi azivuka ngila ije injilinakwenda, omo anjeseka, co njikatundamo ngwe ngolinde yakujela.

Yombi 28:1

Kuli vitapo vivakendi siliva. Co kuli mitambela kuje kuvakajelesela ngolinde.

Myaso 144:15

Vanavezika vanu vaje vatambula vivezikiso evi, vanavezika vanu vaje Njambi yavo ikeye Shukulu Kalunga.

Myaso 43:4

Asinoni njikaya ku mutula wove yove Njambi, yove muka-kunjivwaelelesa, co njikaimba kalyalya kange nakwimba myaso yakukushangazala yove Njambi, Njambi yange!

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Visimo 17:3

Ngolinde na siliva vakavyeseka na tuhya, oloni Shukulu Kalunga akeseka viyongola vya munu.

Myaso ya Solomoni 2:16

Muka-cizemo cange unapu u wange, nange njinapu nji wove, Ulinakulisa matanga ove akati ka man̄anda,

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Isaya 48:10

Njinamyeseka mu simbu ya tuyando twakama manene, ngwe muvakeseka siliva mu lutengo lwakama. Oloni njinawana ngeci kumwesi na seo.

Isaya 58:9

Omo mulombela kuli yange, co njikamikumbulula ngwange, ‘Yange uno.’ “Kesi muyandese vanu, nambe kuvashaula mu cifwa coshe-icoshe, nambe kwendeka lijwi lyoshe lyalivi,

Njelemiya 24:5

“Yange Kalunga, Njambi ya Isalele, njayongola ngwange vanu vaje vavatwala ku Mbambilone vanafu ngwe vushuka vwa mikuyu vuje vwavuvwa, njikavazivila mema ku mbunge.

Njelemiya 30:22

Vakapwa vanu vange, nange njikapwa Njambi yavo. Yange Kalunga, njinendekamo.”

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 32:38

Co vakapwa vanu vange, nange lalo njikapwa Njambi yavo.

Njelemiya 9:6

Shukulu Kalunga nendeka ngwendi, “Mulinakukala akati ka vaka-makuli, ngeci a makuli avo vananjivyana.”

Ezekiyele 11:20

Asinoni vakanyunga mashiko ange, nakwononoka vilongesa vyange vyoshe. Vakapwa vanu vange, nange njikapwa Njambi yavo.

Ezekiyele 14:11

Njikalinga cuma eci mukunyunga vaIsalele kutewa vatunda kuli yange nakulijwalesa vakevo vavenya na vuvi vwavo. Vanapu vanu vange, nange njinapu Njambi yavo.” Mwanendeka Shukulu Kalunga wa Akamwa ya Vyoshe.

Ezekiyele 20:38

Co njikatundisa vaje vaka-kutengulukila na vaka-vuvi akati keni. Njikavatundisa mu lifuti muje muvali nakukala ololo, oloni kunjikavatava lalo kwiluka ku lifuti lya vaIsalele embwe. Co mukazivuka ngeci yange njapwa Kalunga.”

Ezekiyele 36:28

Asinoni mukakala mu lifuti lije linjanene vakukulwila veni. Mukapwa vanu vange, nange njikapwa Njambi yeni.

Ezekiyele 37:27

Njikakala muje amo navo nakupwa Njambi yavo, co na vakevo vakapwa vanu vange.

Ndanyele 11:35

Vantwama vamo va mana vakavatsiya, oloni vutumbe ovu vunapu vwakujelesa vanu. Eci cikalingiwa noo akukotoka, simbu ije yanemika Njambi.

Ndanyele 12:10

Vanu vavangi vakavajelesa. Oloni vaje vaka-kupenga-penga kuvakazivisisa vyuma evi, anga vakalinga vene vuvi, kuvanga lika vaje vali na mana vakevo vakazivisisa.

Njwele 2:32

Co cikapwa ngeci woshe akatambakana lizina lya Shukulu Kalunga akovoka. Ngeci mwendekele Shukulu Kalunga ngwendi, ‘Kukakala vamo vakaputumuka mu Yelusalema, vaje vanjaangwile vakovoka.’ ”

VaLevi 26:12

Yange njikakala neni, njikapwa Njambi yeni, co neni lalo mukapwa vanu vange.

Zakaliya 10:6

“Vanu va mu Yunda njikavapwisa vaka-nzili, njikapatula vanu va mu Isalele. Njikavazivila ngozi, co voshe njikavelwisa kwimbo. Vakapwa ngwe vaje kunjavyanene. Yange njapwa Kalunga Njambi yavo, njikakumbulula malombelo avo.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Zakaliya 8:8

njikavatundisa mu ngangela na mu kangombe ka yambi ngeci vakukale mu Yelusalema. Vakevo vakapwa vanu vange, nange lalo njikapwa Njambi yavo, njikavashwana na kulongwa na vushunga.

Vilinga vya Miluwa 2:21

Co woshe akatambakana lizina lya Shukulu Kalunga akovoka.’

VaHevelu 8:10

Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

1 Petulu 4:12

Vasamba vange vanjazema, kesi mukomoke a ceseko ngwe ca tuhya cije mulinakuyanda naco, ngwe cikeco cinapu cuma cimo caciha cilinakulingiwa kuli yeni.

Kujombolola 21:7

Woshe uje ahyana akashwana vyuma evi, njikapwa Njambi yendi, co ikeye akapwa munange.

Kujombolola 8:10

Asinoni kangelo wamucitatu wembile lupembo lwendi. Co ngongonosi yakama, yakele nakwenya ngwe mutetango, yawile kutunda kwilu nakuwila a litambelo lyamucitatu lya vindonga na a masima a tuvwelu-vwelu.

Kujombolola 8:11

(Lizina lya ije ngongonosi likelyo “Mwaze”.) Co litambelo lyamucitatu lya mema lyemukile kupwa mwaze, co vanu vavangi vatsile mukunwa ku mema aje, omwo akewo atengulukile kupwa mwaze.

Kujombolola 8:12

Asinoni kangelo wamuciwana wembile lupembo lwendi. Co litambelo lyamucitatu lya litangwa valipupile na litambelo lyamucitatu lya ngonde na litambelo lyamucitatu lya vingongonosi, ngeci ceke cavyo cizimbalese litambelo lyamucitatu lyakuvyazima kwaco, co kukwakele ceke a simbu ya litambelo lyamucitatu lya mutanya na litambelo lyamucitatu lya vutsiki.

Kujombolola 8:7

Kangelo wakulivanga wembile lupembo lwendi, co kwanyokele nyonzi ya mamanya na tuhya, vyakukumbasana na maninga vyetikilile asi, co litambelo lyamucitatu lya asi lyenyele njwa na litambelo lyamucitatu lya mwila woshe wakuzivuluka lyenyele njwa.

Kujombolola 8:8

Asinoni kangelo wamucivali wembile lupembo lwendi. Cuma cimo cakulifwa ngwe munkinda wakama ulinakwenya vacumbilile mu mema a kalunga. Co litambelo lyamucitatu lya mema a kalunga lyemukile maninga,

Kujombolola 8:9

co litambelo lyamucitatu lya vikashama vakuyoya mu mema a kalunga lyatsile, na litambelo lyamucitatu lya mato lyanyongele.