Zakaliya 13:7 - Livulu lya Shukulu Kalunga

⁷ Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Zakaliya 13:7 Iomraidhean Croise

Myaso 2:2

Vimyene va ano asi vanaangunuka, vaka-kushwana vanalikungulwila amo, nakutumba matumbe amavi akulwisa Shukulu Kalunga, na wakuvwavesa wendi, co vendeka ngwavo,

Isaya 1:25

Njikakunyanyamesa nakukujelesa ngwe muvakavwaesa vutale, co njikatundisa vuvi vweni vwoshe.

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Njelemiya 47:6

Mulinakulila ngweni, ‘Mukwale wa Shukulu Kalunga! Visimbu vingaijo ukatwalao kutetanga? Iluka mu cindalo cove, co kala muje uhwime!’

Ezekiyele 21:28

“Muna munu, ambulula vuka-kwimanena. Ambulula evi yange Kalunga wa Akamwa ya Vyoshe, njilinakwendeka kuli vaAmoni vaje valinakushaula Isalele, endeka kuli vakevo ngwove, ‘Mukwale vanauvwaesela cimweja kunyongesa, vanaukalula mukutsiya, uvyakula ngwe muhyato.’

Ezekiyele 21:3

ngwove yange Kalunga njinendeka ngwange, ‘Nji citozi ceni, njikashomona mukwale wange mu cindalo cawo, co njikamitsiya yeni voshe vaka-vushunga na vaka-vuvi.

Ezekiyele 37:24

Ngamba yange Ndaviti ikeye akapwa mwene yavo. Voshe vakakala na muka-kwimanena umolika, co vakononoka mashiko ange nakuwanyunga.

Ezekiyele 7:6

Kunahu. Oku kukekwo kukotoka. Unanyongo.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Mika 5:4

Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi,

Zakaliya 11:11

Ngecivene, cikumiiyo eci cazimanganene a litangwa lije. Vaje valandele nakulandesa vimanga vanjimwene, co vazivukile ngwavo Shukulu Kalunga ikeye wendekele mu vije vinjalingile.

Zakaliya 11:4

Shukulu Kalunga Njambi yange wendekele kuli yange ngwendi, “Pwa kanyungi ka vimanga vaje vavatwala mukuvatsiya.

Zakaliya 11:7

Vaje valandele nakulandesa vaje vimanga vanjikumwine, co njapwile kanyungi ka vimanga vaje vavatwalele mukuvatsiya. Co njanonele milamu ivali, umo njaulukile “Ngozi,” co ukwavo njaulukile “Vumo.” Co njanyungile vutanga.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Mateo 10:42

Co woshe uje aana nganja ya mema akutonola kuli umo wa ava vavandondo omwo napu muka-kunjikava, mwa vushunga njimileka ngwange, akatambula cikandelela.”

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mateo 18:14

Ngecivene, kesi cizango ca Ishweni ali mwilu ngeci umo wamundondo akanyonge.

Mateo 26:31

Asinoni Yesu wavalekele ngwendi, “Ku vutsiki vuno vene, yeni voshe mukatewa nakunjiseza ange lika, omwo visoneka vinendeka ngwavyo, ‘Njambi akatsiya kanyungi, co vutanga vwa vimanga vukalishandoka!’

Mateo 26:56

Oloni vyoshe evi vyalingiwa ngeci vije vivendekele vaka-kwimanena mu visoneka vilingiwe.” Aje vene vandongisi vendi voshe vamusezele, co vatewele.

Mako 14:27

Yesu wendekele kuli vakevo ngwendi, “Yeni voshe mukatewa nakunjiseza ange lika, omwo visoneka vinendeka ngwavyo, ‘Njambi akatsiya kanyungi, co vimanga voshe vakalishandoka.’

Mako 14:50

Asinoni vandongisi vendi voshe vamusezele, co vatewele.

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Luka 17:2

Mwamuvwa kuli ikeye nga vamukutiiya limanya lyakama lyakulolela vunga mu mukoshi wendi nakumumbila mu mema a kalunga kutuvakana atanganese mwanike umo wamundondo kulinga vuvi!

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 10:30

Tate nange twapwa umolika.”

Yowano 10:38

Oloni nga njilinakuvilinga, nameme kumunjikulaela, oloni munapandele kukulaela vipangi vyange, co muzivuke ngweni Tate ali muli yange, co nange lalo njili muli Tate.”

Yowano 14:1

Yesu wavalekele ngwendi, “Kesi mulishoshomwene mu vimbunge vyweni. Kulaeleni kuli Njambi, co kulaeleni kuli yange lalo.

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Yowano 16:15

Vyoshe vyali navyo Tate vinapu vyange, ngecivene, mukemwo njinendeka ngwange Munzinzime akambata vije vinjimuleka nakuvyambulula kuli yeni.

Yowano 16:32

Simbu ilinakwija, co inete laja, omo yeni voshe mukashandoka, munu na munu akaya kwimbo lyendi, co njikasala ange lika. Oloni kunjikasala ange lika embwe, omwo Tate ali amo nange.

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Loma 4:25

Vamwecelele ngeci atse omwo vivi vyetu, co vamusangwile ngeci vatupwise vaka-vushunga ku mesho a Njambi.

Loma 8:32

Njambi kavyanene kwana Munendi umolika, oloni watweceleleye yetu voshe! Uje watwanene Munendi, kuma kasa kutwana vyuma vyoshe ndi?

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Ngalatiya 3:13

Oloni omwo Kilistu vamupwisile cisingo omwo watupatwile ku cisingo cije majwi a Lishiko acinenele, omwo visoneka vyendeka ngwavyo, “Munu woshe uje vashukika a muti ali mwisi ya cisingo ca Njambi.”

Filipu 2:6

Ikeye simbu yoshe wakele na cifwa ca Njambi, oloni kayongwele kupwa amo na Njambi, cuma cakukakateya.

VaHevelu 13:20

Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Petulu 5:4

Co omo Kanyungi Wakama akasholoka, mukatambula cilongo ca vumpau cije kucikatsitsivala.

1 Yowano 2:2

Co Kilistu ikeye vavenya napu n̄ombelo ya vivi vyetu ngeci vavisambese, co kesi vivi vyetu lika embwe, oloni na vivi vya vanu voshe lalo.

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.