Zakaliya 12:7 - Livulu lya Shukulu Kalunga

⁷ “Yange Kalunga, njikahyanesa mbunga ya mashwalale va mu Yunda akulivanga, ngeci kasingimiko ka vatekulwila va Ndaviti na kasingimiko ka vanu va mu Yelusalema kesi kakatuvakane ka vanu va mu Yunda.

Zakaliya 12:7 Iomraidhean Croise

Yombi 19:5

Yeni mwayongola ngeci munapu muvavavwa kutuvakana yange, co munapwisa tuyando twange vukaleo vwa mulonga wange.

Myaso 35:26

Voshe vaje vavwaelela a tuyando twange, vavafungulule nakuvatanganesa, voshe vaje valitumbula kupwa vavavwa kutuvakana yange, vazive shwamwa nakushauka!

Myaso 38:16

Kesi utave vitozi vange valishashele a tuyando twange, kesi utave valyalese omo njinau asi!

Myaso 55:12

Nga uje wanjishendumwine wapwile citozi, nga kunjombileko mbunge embwe, nga wapwile muka-kunjizinda uje walyalesele mukulwa nange, nga njavandele ngeci kesi anjimone.

Isaya 23:9

Shukulu Kalunga Muka-nzili yoshe ikeye watumbile vutumbe mukumanesa nakushaula kulyalesa kwa vanu voshe vaje vavasingimikile ano asi.

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Zakaliya 11:11

Ngecivene, cikumiiyo eci cazimanganene a litangwa lije. Vaje valandele nakulandesa vimanga vanjimwene, co vazivukile ngwavo Shukulu Kalunga ikeye wendekele mu vije vinjalingile.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Luka 10:21

A simbu ije vene Yesu washulile nakujolela kwa Munzinzime Wakujela, co wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana. Mukemwo vene Tate, mucavwaela ku mesho ove.

Loma 3:27

Asinoni kulishasha kuli kulijo? Kwaiko vene! Omwo twononoka Lishiko ndi? Embwe, oloni omwo tukulaela.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”