Zakaliya 12:5 - Livulu lya Shukulu Kalunga

⁵ Asinoni vikota vya Yunda vakalyendekesa vakevo vavenya ngwavo, ‘Shukulu Kalunga Njambi Muka-nzili yoshe akana nzili kuli vanu vendi vaje vakala mu Yelusalema!’

Zakaliya 12:5 Iomraidhean Croise

Myaso 144:1

Wakushangazala Shukulu Kalunga muka-kunjinyunga, muka-kunjilongesa mwakulwila nzita, nakunjivwaesela cimweja kulwa.

Myaso 18:32

Ikeye Njambi muka-kunjana nzili, uje avwaesa ngila yange kupwa yakujela.

Myaso 18:39

Omwo yove unanjana nzili yakulwa nzita nakufungulula vitozi vange.

Myaso 46:1

Njambi ikeye vutewelo vwetu na nzili yetu, wakala muyehi-yehi netu nakutukwasa a simbu ya tuyando.

Isaya 1:10

Yove Yelusalema, vaka-kushwana vove na vanu vove, vanafu ngwe vanu va mu Sondoma na Ngomola. Tolilila kuli vije vyendeka Shukulu Kalunga. Tolilila vije vyakulongesa Njambi yetu.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 1:26

Yelusalema njikakwana vaka-kushwana na vaka-kunangula ngwe vaje vawakele navo ku san̄ulu. Asinoni lizina lyove lyaliha likapwa ‘Nganda yakushungama na kulongwa.’ ”

Isaya 28:5

A litangwa lije Shukulu Kalunga Muka-nzili yoshe akapwa cilongo ca vumpau kuli vanu vendi vaje vanasalao.

Isaya 28:6

Akana mana a vushunga kuli maako, nakumona ngeci vanu vendi vasa kwamena vinganda vyavo ku vitozi.

Isaya 29:10

Shukulu Kalunga namilalesa manene mu tulo. Vaka-kwimanena vakevo mesho a vanu, oloni Njambi nazivalesa mesho avo.

Isaya 32:1

Kengeni, mwene akashwana mu vushunga, na vantwama va lifuti vakashika mwa kulongwa.

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Isaya 60:17

“Njikakunenela ngolinde kwingisa mu vunengu. Njikakunenela siliva na vunengu kwingisa mu vutale na citi, njikakunenela vutale kwingisa mu limanya. Vaka-kushwana kuvakakuyandesa lalo, vakashwana na vushunga na kwoloka.

Njelemiya 30:21

Muka-kuvashwana akatunda ku muyati wavo vavenya, muna mwene yavo akatunda ku vanu vavo vavenya. Akaija kuli yange omo njikamusana, iyajo asa kwija kuli yange, kujeneka kumusana?

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Njwele 3:16

Shukulu Kalunga alinakwaana ngwe ndumba ku Munkinda wa Siyone, lijwi lyendi lilinakuluma ku Yelusalema, asi na lilu vilinakujaja. Oloni akaamena vanu vendi.

Zakaliya 10:12

Vanu vange vakapwa vaka-nzili, vakanjilemesa nakunjononoka.” Mwanendeka Shukulu Kalunga.

Zakaliya 10:6

“Vanu va mu Yunda njikavapwisa vaka-nzili, njikapatula vanu va mu Isalele. Njikavazivila ngozi, co voshe njikavelwisa kwimbo. Vakapwa ngwe vaje kunjavyanene. Yange njapwa Kalunga Njambi yavo, njikakumbulula malombelo avo.

Zakaliya 12:4

A simbu ije njikayiya-yiisa tuvalu twavo twoshe, co vaka-kulondao voshe vakapwa viyambangani. Njikanyunga vanu va mu Yunda, oloni njikatsitsivalesa mesho a tuvalu twa vitozi vavo.

Zakaliya 12:6

“A simbu ije vikota vya Yunda njikavapwisa ngwe tuhya twa mu shwata nambe ngwe tuhya twa mu lihya lya vimbuto vyakuhya, vakanyongesa miyati yoshe ya vanu vaje vanalyata navo. Co vanu va mu Yelusalema vakakala mu kwoloka mu nganda.

Zakaliya 14:14

Vanu va mu Yunda vakalwa mukuvingilikiya Yelusalema. Co vakambata vufuko vwakupukula vwavungi vwa miyati ya vanu voshe, ngolinde na siliva na vuzalo.

Maako 5:9

Mbunge yange ili amo na vana va vimyene va mu Isalele, vaje valyanene vakevo vavenya na cizango akati ka vanu. Shangazaleni Shukulu Kalunga!