Zakaliya 12:4 - Livulu lya Shukulu Kalunga

⁴ A simbu ije njikayiya-yiisa tuvalu twavo twoshe, co vaka-kulondao voshe vakapwa viyambangani. Njikanyunga vanu va mu Yunda, oloni njikatsitsivalesa mesho a tuvalu twa vitozi vavo.

Zakaliya 12:4 Iomraidhean Croise

1 Vimyene 8:29

Nyunga eyi Njuvo mutanya na vutsiki, mwela ou uunaangula wakukulemesela. Njizive omo njikenga ku Njuvo eyi nakulombela.

2 Vimyene 6:14

co watumineko mashwalale vavangi na tuvalu na matemba. Vaketele vutsiki mu nganda, co vaizengelekele.

2 Vimyene 6:18

Omo vaSilya valwile, co Elisha walombelele ngwendi, “Shukulu Kalunga, zivalesa mesho a vanu ava ngeci vapwe tupuputwa!” Co Shukulu Kalunga wakumbulwile lilombelo lyendi, wazivalesele mesho avo.

2 Mizimbu 6:20

Nyunga eyi Njuvo mutanya na vutsiki. Yove wakulaesele ngeci, ou ukewo mwela uunaangula wakukulemesela, ngecivene, njizive omo njikenga ku Njuvo eyi nakulombela.

2 Mizimbu 6:40

“Ololo Shukulu Kalunga Njambi yange, kenga ali yetu, co tolilila malombelo atulombela mu mwela uno.

2 Mizimbu 7:15

Njikanyunga Njuvo eyi, nakuziva malombelo oshe avakalombela mu mwela uno,

Nehemiya 1:6

Shukulu Kalunga, njikenge, co ziva lilombelo lyange, omo njilinakulombela vutsiki na mutanya ali vangamba vove, vanu va Isalele. Njalitavela ngeci yetu, vanu va Isalele, tunalingi vuvi. Vakukulwila vange, nange tunalingi vuvi.

Isaya 24:21

Simbu ilinakwija omo Shukulu Kalunga akahisa vaka-nzili ya a mukambwila na vaka-kushwana va ano asi.

Isaya 37:17

Ololo Shukulu Kalunga, kenga a vyuma evi vilinakulingiwa kuli yetu. Tolilila ku vyuma vyoshe vije vyalinakwendeka Mwene Senakelivi vyakushaula yove Njambi wakuyoya.

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Ezekiyele 38:4

Yange njikamutengulula, nakumwaka tulovo mu vimbange vyendi, nakumukokangeya nakumutwala kulyala amo na vanu vendi voshe. Mashwalale vendi, amo na tuvalu twavo, na vaka-kulondao vaje vaka-kuzala vuzalo vwakulifwa, vanapu vavangi, co lishwalale woshe nambata ntelo nakulilemeka mukwale.

Ezekiyele 39:20

Vakalya ku mesa yange ngwe muvanasela, vakalya tuvalu na vaka-kulondao na mashwalale, na vanalume vaka-kulwa. Munjinendeka yange Kalunga wa Akamwa ya Vyoshe.”

Ndanyele 9:18

Yove Njambi tolilila kuli yetu, kenga ali yetu, mona tuyando twetu na tuyando twa nganda yove. Tulinakulombela kuli yove omwo wakala na mema ku mbunge, kesi ngwe omo tunalingi vushunga embwe.

Zakaliya 10:5

Vanu va mu Yunda vakahyana ngwe mashwalale valyatangela vitozi vavo ngwe lindova lya mu vitapalo. Vakalwa omwo Shukulu Kalunga akakala amo navo, co vakafungulula nameme vitozi vavo vaka-kwendela a tuvalu.

Zakaliya 12:11

A litangwa lije kukakala kulila kwakama mu Yelusalema ngwe kulila kwakulilila Handandelimone mu cana ca Mengindo.

Zakaliya 12:3

Oloni omo simbu ije iketa, Yelusalema njikaipwisa ngwe limanya lyakulema, muyati woshe wa vanu vaje vakeseka kulijundula vakavulumuka. Co miyati yoshe ya vanu va mu kaye vakalipandakana amo nakuyilwisa.

Zakaliya 12:5

Asinoni vikota vya Yunda vakalyendekesa vakevo vavenya ngwavo, ‘Shukulu Kalunga Njambi Muka-nzili yoshe akana nzili kuli vanu vendi vaje vakala mu Yelusalema!’

Zakaliya 12:6

“A simbu ije vikota vya Yunda njikavapwisa ngwe tuhya twa mu shwata nambe ngwe tuhya twa mu lihya lya vimbuto vyakuhya, vakanyongesa miyati yoshe ya vanu vaje vanalyata navo. Co vanu va mu Yelusalema vakakala mu kwoloka mu nganda.

Zakaliya 14:15

Co mushongo wakukomokesa lalo ukakala a tuvalu, na a vamula, na a tumelo, na a vimulu, na a tusitu voshe vaje vakakala mu vilombo vya vitozi.

Zakaliya 9:8

Njikanyunga lifuti lyange, co njikavindika mashwalale kwitamo. Kunjikatavesa lalo vaka-muuka kuyandesa vanu vange, njamono muvanayandelamo vanu vange.”

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Kwituluka mu Mashiko 28:28

Shukulu Kalunga akamitumina kuzaluka, na vupuputwa, na kwilasana.