Zakaliya 11:7 - Livulu lya Shukulu Kalunga

⁷ Vaje valandele nakulandesa vaje vimanga vanjikumwine, co njapwile kanyungi ka vimanga vaje vavatwalele mukuvatsiya. Co njanonele milamu ivali, umo njaulukile “Ngozi,” co ukwavo njaulukile “Vumo.” Co njanyungile vutanga.

Zakaliya 11:7 Iomraidhean Croise

Myaso 23:4

Nameme nga njenda mukati ka vutsiki mu lisusulungu, kunjikazivi lyova, Shukulu Kalunga, omwo yove uli amo nange! Mulamu wove na mbweti yove vinjizembeleka.

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

Myaso 90:17

Shukulu Kalunga Njambi yetu, vivezikiso vyove vikale amo netu. Tuvezikise mu vyoshe vije vitulinga.

Isaya 11:4

akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Njelemiya 39:10

Co wasezele vamo vanu mu lifuti lya Yunda vaje vapwile tuutu, co wavanene vitungu vya mikolovozi ya vushuka vwa vinyu na mahya.

VaLevi 27:32

A vimuna vakufuka likumi, umo ikeye wa Shukulu Kalunga. Co omo valava vimuna umo na umo, co umo wamulikumi akapwa wa Shukulu Kalunga.

Mika 7:14

Shukulu Kalunga pwa kanyungi ka vanu vove, vanu vaje vaunaangula. Nameme vakala mwavo lika valyangunukila mu mambo, oloni kuli livu lya vwilo kuje kuvanalizengeleka. Vatave ngeci vakale mu lifuti lya mwila wauvwa lya Mbashane na Ngilyande ngwe muje muvayongwele laja.

Zefaniya 3:12

Mu Yelusalema njikasezamo lika vanu vaka-kulilumbilisa na vaka-kulikeesa, vaje vakaija kuli yange mukuvakwasa.

Zakaliya 11:14

Asinoni njapokwele mulamu wamucivali, unjatumbwile ngwange, “Vumo,” co vumo vwa Yunda na Isalele vwahwile.

Zakaliya 11:4

Shukulu Kalunga Njambi yange wendekele kuli yange ngwendi, “Pwa kanyungi ka vimanga vaje vavatwala mukuvatsiya.

Mateo 11:5

tupuputwa vatona, vilema venda, vaka-mbumba vajela, tusinda-matwi vaziva, vatsi vasanguka, tuutu vavambulwila Vin̄anda Vyavivwa.

Mako 12:37

Ndaviti ikeye vavenya wamutumbwile ngwendi ‘Shukulu,’ ngecivene, vatijo Wakuvwavesa apwe mutekulwila wa Ndaviti?” Co ije mbunga yakama yatolililile Yesu nakuvwaelela.

Yowano 10:16

Co kuvali lalo vimanga veka vaje vanapu vange vakevo kesi va mu limba lino. Njinapande kuvanena lalo, vakaziva lijwi lyange, ngecivene, vakapwa vutanga vumo na kanyungi lalo umo.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

1 Samwele 17:40

Ngecivene, wanonele mulamu wendi wa vunyungi, co lalo wanonele mamanya amavwa atanu mu muna ndonga, waakele mu njeke yendi. Wavwaesele cipapa cendi ca kenya, co waile nakuliwana na Ngolyata.

1 Samwele 17:43

Co uje kaFilisitiya wendekele kuli Ndaviti ngwendi, “Kuma yange nji katali ndi, ngeci wije kuli yange na mulamu?” Co wasingile Ndaviti ali vinjambi vendi.