Zakaliya 11:5 - Livulu lya Shukulu Kalunga

⁵ Vavenyavo vakavatsii, oloni kuvesi kuvanyanyamesa. Vakalandesa situ nakwendeka ngwavo, ‘Shangazaleni Shukulu Kalunga! Tunafuku oni!’ Nameme tunyungi twa vaje vimanga kuvesi kuvatetela embwe.”

Zakaliya 11:5 Iomraidhean Croise

2 Vimyene 4:1

Fwile wa munakazi wa mu munga ya vaka-kwimanena waile kuli Elisha wendekele ngwendi, “Mwane, munalume wange natsi! Ngwe muwazivukila ikeye wapwile munalume muka-kukomoka Njambi, oloni munalume uje yatambwile vimbongo vyendi naija, co ashaka kwambata vana vange vavali va vanalume ngeci akavapwise vindungo ku likongo lije lyatambwile munalume wange kuli ikeye.”

Nehemiya 5:8

co njendekele ngwange, “Akweseka kwetu twakulile vandolome vetu vaYunda, vaje valilandesele vakevo vavenya ku vaka-kwija. Co ololo mulinakusindiya vandolome veni kulilandesa vakevo vavenya kuli yeni vakwavo vaYunda!” Co vantwama volokele kuluu, kuvawanene lijwi lyakukumbulula.

Njelemiya 2:3

Isalele, yove wapwile u wange, wapwile vufuko vwange vwakujela. Njatumine tuyando na n̄avava ali munu woshe uje wakuyandesele. Yange Kalunga, njinendekamo.’ ”

Njelemiya 50:7

Valinakuvalwisa kuli voshe vaje vavawana. Co vitozi vavo vendeka ngwavo, ‘Vanavulumuna ku mesho a Shukulu Kalunga, ngecivene, evi vitunalingi kesi vyavivi embwe. Vakukulwila vavo vakulaelele kuli Shukulu Kalunga, co na vakevo lalo vapandele kukala muli ikeye.’

Ezekiyele 34:10

Yange Kalunga wa Akamwa ya Vyoshe, njendeka ngwange yange njinapu nji citozi ceni. Njikamitambula vimanga vange, kumukapu lalo tunyungi twavo, kunjikatava ngeci mulilise yeni vavenya lika embwe. Njikaamena vimanga vange nakuvatundisa kuli yeni, co kunjikatava lalo ngeci mukavalye embwe.’ ”

Ezekiyele 34:21

Yeni vimanga vakununa mukafwembula vimanga vakuyondwa, co mumbola vaje vakuyondwa mambinga eni nakuvashandwela kulyala na vutanga.

Ezekiyele 34:6

Ngecivene, vimanga vange vayevangelele akamwa ya malundu amalaja na ku minkinda. Vashandokelele mu kaye mwoshe, co naumo wai wavashakezekele nambe kuvakengezeka.

Hoziya 12:8

Vendeka ngwavo, ‘Tunapu vaka-kufuka. Tunavezika. Co naumo wai akatwana mulonga a vufuko ovu vwoshe tunawana mu ngila ya makuli.’

Hoziya 12:9

Oloni yange Kalunga Njambi yeni, uje wamitundisile mu Ingito, njikamilingisa ngeci mukakale mu vimbalaka lalo, ngwe muje mumwakele omo njezile kuli yeni muje mu mambo.

Amose 2:6

Shukulu Kalunga alinakwendeka ngwendi, “Vanu va Isalele vanalingi vuvi kushwakumo, omwo cuma eci mwa vushunga njikavanyanyamesa. Vakalandesa vanu va kulongwa ku vundungo vaje kuvasa kufweta makongo avo, vanu vakuutwa vaje kuvasa kufweta ndando ya vin̄aku.

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Yowano 10:1

“Mwa vushunga njimileka ngwange, nga munu kakovelela ku cikolo ca limba, oloni alondela kweka, uje munu napu mwizi na lipwepwe.

Yowano 16:2

Vakamisheka mu masinangonge, mwa vushunga simbu ikaija omo woshe uje akamitsiya akayongola ngeci akulinga cuma eci alinakupangela Njambi.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!

Kujombolola 18:13

na sinamone na n̄undu na insense na fulankininsense na vinyu na mazi a olive na vunga vwa tiliku na tiliku na vingombe na vimanga na tuvalu na matemba na vindungo na vanu.

Kujombolola 3:17

Omwo wendeka ngwove, ‘Yange nji muka-kufuka njapwisamo, vyoshe njitonda njilinavyo.’ Oloni yove kuuzivuka vuutu na tuyando ulinatwo! U kautu, uli na vuzu, co lalo u kapuputwa.