Zakaliya 11:3 - Livulu lya Shukulu Kalunga

³ Vaka-kushwana valinyenga na vusiwa, omwo vumpau vwavo vunahu njwa! Tolilileni kwaana kwa vindumba, omwo shwata ije yapwa limbo lyavo lya ku ngenge ya Yondau inanyongo!

Zakaliya 11:3 Iomraidhean Croise

Myaso 22:21

Njamene ku vitozi vange ava, omo kunjesi na nzili yakulwa navo.

Isaya 5:29

Mashwalale vavo vakaana ngwe vindumba vaje vanatsii kasitu, co vamukokela kulyala kuje naumo wai avatambulaye.

Isaya 65:15

Vanu vange vakwangula vakapangesa lizina lyove ngwe cisingo. Yange Kalunga wa Akamwa ya Vyoshe, njikamitsiya. Oloni njikana lizina lyaliha kuli vaje vanjononoka.

Njelemiya 2:15

Valinakumwanena ngwe vindumba, lifuti lyendi vanalipwisa mambo, co vinganda vyendi vinapu vyamupulungwa, naumo wai wakalamo.

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Njelemiya 26:6

Co nga yeni kumunjononoka, njikalinga ku Njuvo yeyi ngwe vije njalingile ku Shilo, co miyati ya vanu voshe va mu kaye vakapangesa lizina lya nganda eyi kupwa cisingo.”

Njelemiya 49:19

Njikaija kuli va Endome ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga, nakuvashekela kulyala kutunda mu lifuti lyavo. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Njelemiya 50:44

“ Yange Kalunga njikashekela vaMbambilone kulyala kutunda mu nganda yavo, ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Njelemiya 7:4

Kesi mukulaele ku majwi aje vendeka ngwavo, ‘Eyi ikeye Njuvo ya Shukulu Kalunga! Njuvo ya Shukulu Kalunga! Njuvo ya Shukulu Kalunga!’

Ezekiyele 19:2

Vanyoko vapwile ndumba wa lwavo! Walelele vana vendi akati ka vindumba va nkomba va vukalu.

Hoziya 10:5

Vanu vaje vali mu nganda ya Samaliya vakaziva lyova, co vakalila a uje ngombe wa ngolinde wa ku Mbetele. Co vakevo na vaka-kukombelela vaje vapangela uje kamponya vakakalilila. Vakalila omo vakamona valinakukatundisa vuvwa vwako vwa ngolinde.

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Amose 8:8

Ngecivene, asi akajaja, co munu woshe ali mu lifuti akalinyenga. Lifuti lyoshe likajaja, likakatuka nakunyekumuka ngwe muyikalingi Ndonga ya Nailo.

Zefaniya 1:10

“A litangwa lije mukaziva muyoyo wakulila ku Cikolo ca Visi ca Yelusalema. Mukaziva kutendeka kwakama mu mutambela wamucivali wa mu nganda na muyoyo wa vinjuvo vilundumuka akamwa ya malundu a Yelusalema.

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Zefaniya 3:3

Vamyata vayo valinakwaana ngwe vindumba, co maako vayo vanapu ngwe tungunga va njala na mutupu, vaje valya citsiya palanga noo ku mutondo.

Zakaliya 11:2

Miti ya sipelese, lileni nakutambeka, miti ya kendale inau, miti ije ya vumpau vanainyongesa! Miti ya oke ya ku Mbashane, lileni nakutambeka, shwata yakuzika vanaishinji!

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.