Zakaliya 11:16 - Livulu lya Shukulu Kalunga

¹⁶ Njinemika kanyungi mukunyunga vutanga vwange, oloni ikeye kakanyungu mwamuvwa vimanga vaje vashaka kutsa, nambe kushakezeka vaje vanazimbala, nambe kusaka vaje vanavulumuka, nambe kulisa vaje vanasalao. Oloni ikeye akali lika situ ya vaje vimanga vakununa nakuvatavozola lika vimbemba vyavo.

Zakaliya 11:16 Iomraidhean Croise

Kushangumuka 31:38

Ololo njinakala nove myaka makumi avali. Vimanga vove na vimembe vove kuvalikelele kusemunwina, co kunjalilemo majamba mu matanga ove.

Kushangumuka 33:13

Oloni Yakomba wamukumbulwile ngwendi, “Shukulu mwazivuka ngeci vanike vapwa vakuzeya, co njinapande kuyongola lalo a vimanga na vingombe amo na vana vavo. Nga tuvendesa manene nameme litangwa limo, co vatsa.

Isaya 40:11

Akanyunga vutanga vwendi mwamuvwa ngwe kanyungi, akakungulwila amolika vana va vimanga, nakuvambata mu mavoko endi, co akatwamenena vainavo kamandondo-kamandondo.

Njelemiya 23:2

Evi vikevyo vyalinakwendeka Shukulu Kalunga, Njambi ya Isalele, ali vaka-kushwana vaje vapandele kunyunga vanu vendi ngwendi, “Yeni kumwanyungile vanu vange, munavashandola nakuvashekela kulyala. Mwa vushunga njikaminyanyamesa omwo vuvi vuje vumunalingi.

Njelemiya 23:22

Nga vazivukile viyongola vyange vya mu vushweke, nga vambulwile majwi ange ku vanu vange nakuvatundisa ku vingila vyavo vya vuvi, na ku vilinga vyavo vya kupenga-penga.

Ezekiyele 34:10

Yange Kalunga wa Akamwa ya Vyoshe, njendeka ngwange yange njinapu nji citozi ceni. Njikamitambula vimanga vange, kumukapu lalo tunyungi twavo, kunjikatava ngeci mulilise yeni vavenya lika embwe. Njikaamena vimanga vange nakuvatundisa kuli yeni, co kunjikatava lalo ngeci mukavalye embwe.’ ”

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Ezekiyele 34:21

Yeni vimanga vakununa mukafwembula vimanga vakuyondwa, co mumbola vaje vakuyondwa mambinga eni nakuvashandwela kulyala na vutanga.

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Yowano 10:1

“Mwa vushunga njimileka ngwange, nga munu kakovelela ku cikolo ca limba, oloni alondela kweka, uje munu napu mwizi na lipwepwe.