Zakaliya 11:12 - Livulu lya Shukulu Kalunga

¹² Njendekele kuli vakevo ngwange, “Nga mushaka, njaneni fweto yange. Oloni nga sheni, likeleni ngano.” Ngecivene, vanjifwetele mavundungulu a siliva makumi atatu.

Zakaliya 11:12 Iomraidhean Croise

Kushangumuka 23:16

Avilahama watavele, co wafwetele ndando ije yatumbwile Efelone, na vaHiti vazivileko. Yapwile mu vimbongo vyakupwa 400 vya mavundungulu a siliva, ngwe ku seteko ije vakele nakweseka nayo vaka-kulandesa.

Kushangumuka 37:28

ngecivene, omo vaMindyani vamo vaka-kulandesa vetile, vandolome vendi vamusosele kumutundisa mu mbulu, co vamulandesele kuli vaIshimaela na mavundungulu a siliva makumi avali, co vamutwalele ku Ingito.

1 Vimyene 21:2

Litangwa limo Ahave wendekele kuli Navote ngwendi, “Njane citungu cove ca mikolovozi ya vushuka vwa vinyu, omwo cili kuyehi na lipela lyange, njishaka kucipwisa citungu ca visapa-sapa. Co njikakwana citungu cacivwa kutuvakana eci, nambe njicilande.”

1 Vimyene 5:6

Ngecivene, tuma vanu vove ku Lembanone mukunjitetela viti vya kendale. Co vanu vange vakapanga amo navo, co njikafweta vanu vove vyoshe vije ukatumbula. Ngwe muuzivukila, vanu vange kuvazivuka kuteta miti ngwe muvakalingi vanu vove vaSindone.”

2 Mizimbu 30:4

Co mwene na vanu vavwaelelele manene a vutumbe vwavo,

Kutuuka 21:32

Nga uje ngombe wa nkomba atsiya munalume nambe munakazi wa ndungo, co uje vavenyaye afwetele vavenya uje ndungo mavundungulu a siliva makumi atatu, co uje ngombe wa nkomba vamwashe mamanya nakumutsiya.

Njelemiya 32:9

Njalandele lije lihya kuli Hanamele, nakumwana mavundungulu a siliva akupwa likumi na atanu na avali.

VaLevi 27:4

Co nga uje munu ikeye napu wa munakazi, co ndando yendi ikapwa mavundungulu makumi atatu a siliva.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Mateo 26:15

co wavehwile ngwendi, “Vikajo mukanjana nga njikamisholwelaye?” Co vamufwetele makumi atatu a vimbongo vya siliva.

Mateo 27:10

Co vavipangesele mukulanda lihya lya muka-kushonga vindeo, ngwe mwanjishikile Shukulu Kalunga.”

Mateo 27:9

Asinoni vilingiwe vije vyendekele Njelemiya muka-kwimanena ngwendi, “Vambatele vimbongo vya siliva makumi atatu, ndando ije ivayongwele vanu va Isalele kumulandesa nayo.

Yowano 13:2

Co Yesu na vandongisi vendi vakele kukulya kwa cingwezi. Omo Liyavola te naaka laja muli Yundasa, muna Simoni Isikalyote, viyongola vyakwenda Yesu vungungu.