Zakaliya 11:11 - Livulu lya Shukulu Kalunga

¹¹ Ngecivene, cikumiiyo eci cazimanganene a litangwa lije. Vaje valandele nakulandesa vimanga vanjimwene, co vazivukile ngwavo Shukulu Kalunga ikeye wendekele mu vije vinjalingile.

Zakaliya 11:11 Iomraidhean Croise

2 Mizimbu 9:14

amo na lisimu vakele nakufweta vaka-kulanda nakulandulula. Vimyene va ku Alambiya na vanguvulu va mu mitambela ya Isalele vamunenelele lalo siliva na ngolinde.

Myaso 69:33

Shukulu Kalunga akatolilila kulila kwa vaje vanajeneka, co kakevala vanu vendi vaje vali mu kamenga.

Isaya 14:32

Vatijo twasa kukumbulula miluwa vaje vatunda ku Filisitiya? Tukavaleka ngwetu Shukulu Kalunga ikeye watungile Siyone, nameme vanu vendi vaka-kuyanda vakawana kwoloka.

Isaya 40:31

Oloni vaje vakulaela kuli Shukulu Kalunga mukuvakwasa, vakawana nzili yaiha. Vakapulula a mambava ngwe vingonga, vakashatuka oloni kuvakajuka, vakenda oloni kuvakazeye.”

Isaya 8:17

Shukulu Kalunga nalishweke ikeye vavenya kuli vanu vendi, oloni yange njinamukulaela, co njinaka cinyangavili cange muli ikeye.

Njelemiya 32:8

Ngecivene, ngwe mwendekele Shukulu Kalunga, Hanamele wezile kuli yange ku cipango ca lipela, wanjilekele ngwendi njilande lihya. Njazivukile ngeci ngwange mwa vushunga eli lyapwile lijwi lya Shukulu Kalunga.

Mika 7:7

Oloni yange njikakengelela kuli Shukulu Kalunga, njikavandamena nakukulaela kuli Njambi uje akanjamena. Njambi yange akanjiziva.

Zefaniya 3:12

Mu Yelusalema njikasezamo lika vanu vaka-kulilumbilisa na vaka-kulikeesa, vaje vakaija kuli yange mukuvakwasa.

Luka 19:48

oloni kuvasele kuwana ngila muka vasa kucilinga, omwo vanu voshe vakele nakumutolilila ngeci kesi valojeo nambe lijwi limo.

Luka 2:25

Cooni kwakele munalume umo mu Yelusalema lizina lyendi Simyoni. Wapwile muka-vushunga muka-kukomoka Njambi, wavandamenene kupatuka kwa Isalele. Munzinzime Wakujela wakele ali ikeye,

Luka 2:38

A simbu ije vene wetele, co wakandelelele kuli Njambi, wendekele vya uje mwana kuli voshe vaje vavandamenene Njambi mukupatula Yelusalema.

Luka 23:51

uje wakele nakukengelela kwija kwa Vumwene vwa Njambi. Nameme wapwile umo wa mu Munga, oloni katavele ku vutumbe vwavo na vilinga vyavo.

Luka 7:22

Co wakumbulwile miluwa va Yowano ngwendi, “Yeni mukaleke Yowano vyuma evi vimunamono nevi vimunazivi, tupuputwa vatona, vilema venda, vaka-mbumba vajela, tusinda-matwi vaziva, vatsi vasanguka, co tuutu vavambulwila Vin̄da Vyavivwa.

Kwituluka mu Mashiko 31:21

Co tuyando twatungi twakukomokesa tukakala ali vakevo, oloni mwaso ou uvakaimba ukapwa vukaleo vwange kuli vakevo, omwo mwaso ou ukakala mu vimbunge vya vatekulwila vavo. Nameme kanda njivatwale mu lifuti lije njalisingile kuvanalyo, njazivuka vivalinakuyongola.”

Kwituluka mu Mashiko 31:29

Njazivuka ngeci omo njinatsi laja, mukongumuka nakuseza evi vinjinamilongesa. Cooni kulutwe mukakovela mu vukalu, mukaluvalesa Shukulu Kalunga akulinga vije vyanavindika.”