Zakaliya 10:4 - Livulu lya Shukulu Kalunga

⁴ Akati kavo akatunda vaka-kushwana, na vantwama, na vaka-kushika mukushwana vanu vange.

Zakaliya 10:4 Iomraidhean Croise

Kushangumuka 49:24

Oloni vuta vwendi vwa lusipa vukapwa vwakukola ngo, mavoko endi akapwa a nzili, omwo a nzili ya Njambi Muka-nzili yoshe, ikeye Njambi ya Yakomba, nomwo a nzili ya Kanyungi, ikeye Cimpaka ca Isalele.

Ezela 9:8

Co ololo mu kasimbu lika, yove Shukulu Kalunga Njambi yetu, unatuzivila mema ku mbunge, watavele vamo vetu kuputumuka ku vunzinda, nakuyoya mwamuvwa mu mwela ou wakujela. Unatupatula ku vunzinda nakutwana mwonyo wauha.

Myaso 118:22

Limanya lije livavyanene vaka-kutunga, likelyo ololo linapu lya seo yakama kuli voshe.

Isaya 19:13

Vantwama va Zoane na Mefise vanapu vikolokomba. Vanapandele kutwamenena lifuti mwamuvwa, oloni vanalisevwisa.

Isaya 28:16

Ngecivene, Shukulu Kalunga wa Akamwa ya Vyoshe nendeka ngwendi, “Kengeni, njikajala luvula lwakukola mu Siyone. Lukelwo vene limanya lya mu mbango lije vaneseka kupwa lya vushunga, naumo wai uje akulaela mulikelyo ivakazivisa shwamwa.

Isaya 49:2

Ikeye walingisile majwi ange kuvambuka ngwe moko ya mukwale, nambe ngwe mukili wakushongomoka, wakukalwila cimweja. Wanjinyungile mwamuvwa na livoko lyendi.

Isaya 54:16

“Yange njatangele muka-kufula, uje akafulu vitwa a tuhya. Yange lalo njatangele lishwalale, uje muka-kupangesa vije vitwa mukutsiya.

Njelemiya 1:18

Co yange njikakupwisa nganda yakukola manene, nambe ngwe manda ya vutale, nambe civumbe ca vunengu, mukulwisa lifuti lyoshe, vimyene voshe va mu Yunda, na vamyata vamwo, na vaka-kukombelela vamwo, na vanu voshe va mu lifuti.

Njelemiya 51:20

Shukulu Kalunga alinakwendeka ngwendi, “Mbambilone, yove unapu muveto wange, citwa cange ca nzita. Njakupangesele mukutsenesa miyati ya vanu na vumwene,

Zakaliya 9:10

Shukulu Kalunga alinakwendeka ngwendi, “Njikatundisa matemba a nzita mu Isalele, nakutundisa tuvalu mu Yelusalema, mata a lusipa aje vapangesele mu nzita njikaanyongesa. Mwene yeni akanena kwoloka akati ka miyati ya vanu, ikeye akashwana kutunda ku mema a kalunga amo nakweta ku mema a kalunga akwavo, kutunda ku Ndonga ya Yufuleti nakweta ku shongo ya ano asi oshe.”

Zakaliya 9:8

Njikanyunga lifuti lyange, co njikavindika mashwalale kwitamo. Kunjikatavesa lalo vaka-muuka kuyandesa vanu vange, njamono muvanayandelamo vanu vange.”

Kulava 24:17

Co njikenga ku vije vikaija kulutwe, njamumono mwene uje akaija, oloni kesi kuyehi. Ikeye nalifu na ngongonosi yakuvyazima, akatuuka kuli Yakomba, mulamu wa vumwene ukatunda mu Isalele. Ikeye akamanesa nzili ya vantwama va vaMowavi, nakufungulula vanu voshe va ku Seta.

Mateo 9:38

Ngecivene, lombeleni kuli vavenya vimbuto ngeci atume vaka-kuteja vimbuto vyendi.”

Luka 20:17

Yesu wavakengele nakuvehula ngwendi, “Visoneka vyanunguluka vati? ‘Limanya lije livavyanene vaka-kutunga ngwe kulyesi na seo, likelyo ololo linapu lya seo yakama kutuvakana mamanya oshe.’

Efeso 2:20

Neni lalo vanamitungu a luvula luje luvajalele miluwa na vaka-kwimanena, limanya lije lya mu mbango likelyo Kilistu Yesu vavenya.

2 Timateo 2:4

Lishwalale naumo wai asa kulinga nevi nevi mu vipangi vyendi vya vushwalale, omwo viyongola vyendi vinapu kushaka kuvwaelelesa uje ntwama yendi.

1 Petulu 2:6

Omwo visoneka vyendeka ngwavyo, “Njinaangula limanya lya seo yakama, limanya lya mu mbango mu Siyone, co woshe uje akulaela kuli ikeye kakazivi shwamwa.”

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

1 Samwele 14:38

Co Saulu wendekele kuli vantwama va vanu ngwendi, “Ijeni kuno tumone vuvi muka vutunavulumuna ku litangwa lya lelo.