Zakaliya 10:2 - Livulu lya Shukulu Kalunga

² Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Zakaliya 10:2 Iomraidhean Croise

Kushangumuka 31:19

Oloni omo Lambani nailaja mukuteula vimanga vendi, co Lakele wevile tumponya twa ishe.

1 Vimyene 22:17

Mikaya wamukumbulwile ngwendi, “Mu cimona njamwene mashwalale va Isalele valishandokela akamwa ya malundu ngwe vimanga vakujeneka kanyungi. Co Shukulu Kalunga wendekele ngwendi, ‘Ava vanu kuvesi na ntwama, veceleni veluke ku membo mu kwoloka.’ ”

Yombi 13:4

Yeni mu vaka-kumanga vya makuli, mwapwa ngwe vimbanda va makuli vaje kuvasa kukangwisa vanu.

Yombi 21:34

“Co yeni mulinakweseka kunjizembeleka na vyangoco! Kukumbulula kweni kwoshe kunapu makuli lika!”

Isaya 41:29

Voshe vinjambi ava vanapu vangoco, nacimo cai civasa kulinga, vanapu vakuzeya, co kuvesi na nzili.”

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Isaya 44:9

Vanu vaje valinga tumponya kuvesi na seo, na tumponya vaje vavalinakulinga vapwa vangoco. Voshe vaje valemesa tumponya otu vanapu tupuputwa, vali lalo ku nzimba, co vakavazivisa shwamwa.

Isaya 46:5

Shukulu Kalunga alinakwendeka ngwendi, ‘Iyajo nalyeseka nange? Kuma kwali weka wakulifwa nange ndi?

Njelemiya 10:8

Voshe valemesa tumponya vapwa vilema. Vikajo vivalilongesa ku tumponya twa viti?

Njelemiya 14:13

Asinoni njendekele ngwange, “Shukulu Kalunga wa Akamwa ya Vyoshe, wazivuka ngeci vaka-kwimanena valinakuleka vanu ngwavo yove wakulaesele ngwove kukukakala nzita, nambe njala ya lyangengela, kukakala lika kwoloka mu lifuti lyetu.”

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 23:32

Tolilileni vinjendeka yange Kalunga! Njazinda vaka-kwimanena vaje vambulula vinjozi vya makuli, co vaungumwisa vanu vange na makuli avo na kulyalesa kwavo. Yange kunjavatumine nambe kuvashika ngeci vaye, co lalo kuvesi na seo kuli vanu. Yange Kalunga, njinendekamo.”

Njelemiya 27:10

Valinakumikwisa, nakumilingisa ngeci vamitundise ku lifuti lyeni. Njikamishekela kulyala, co mukanyonga.

Njelemiya 27:14

Kesi utolilile kuli vaka-kwimanena vaje vakuleka ngwavo kesi uliite kuli ikeye. Valinakukukwisa.

Njelemiya 27:9

Kesi mutolilile kuli vaka-kwimanena veni, nambe kuli munu umo uje endeka ngwendi asa kulumbununa vyuma vya kulutwe, nambe a vinjozi, nambe akusana minzinzime ya vatsi, nambe a manseno a vulozi. Voshe vamileka ngwavo kesi mulikeese kuli mwene wa Mbambilone.

Njelemiya 28:15

Asinoni njalekele Hananiya ngwange, “Tolilila, Hananiya! Shukulu Kalunga kakutumine embwe, co ulinakulingisa ava vanu kukulaela makuli.

Njelemiya 29:8

Yange Kalunga, Njambi ya Isalele njiminangula ngwange kesi mutave vamikwise kuli vaka-kwimanena vaje vali akati keni, nambe vamo veka vaje vendeka ngwavo vasa kwambulula vyuma vya kulutwe. Kesi mumbeko mbunge ku vinjozi vyavo.

Njelemiya 37:19

Vikajo vyalingiwa kuli vaka-kwimanena vove vaje vakulekele ngwavo mwene wa Mbambilone kakaija nakukulwisa, nambe kulwisa lifuti lyove?

Njelemiya 50:17

Shukulu Kalunga alinakwendeka ngwendi, “Vanu va Isalele vanafu ngwe vimanga vaje vavanasheke nakuvashandola ku vindumba. Akulivanga vavalwisile kuli Mwene wa Asilya, co lalo Mwene Nevukaneza wa Mbambilone ikeye wambulukutile vitsiya vyavo.

Njelemiya 51:23

mukutsiya tunyungi na matanga avo a vimanga, mukutsiya vaka-kulima na vingombe vavo vakulimisa, mukutsena vaka-kushwana na vamyata vakama.”

Njelemiya 6:14

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Njelemiya 8:11

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Ezekiyele 21:21

Mwene wa ku Mbambilone nemana ku masambwa-ngila ku manda ya cimweso. Mukweseka kuwana ngila ika yaila, alinakuningangesa mikili yendi, nakwihula tumponya twendi, nakwilula mwamuvwa lishuli lya kasitu wakukombelela.

Ezekiyele 21:29

“Vimona vije mulinakumona vinapu vya makuli, na vyuma vije mulinakutumbula vinapu vya makuli. Yeni munapu vaka-vuvi na vaka-kupenga-penga, co litangwa lyeni lya cihiso cakumanesela lilinakwija. Co mukwale ukatapa mikoshi yeni.

Ezekiyele 34:5

Omwo vimanga vaje kuvakele na kanyungi, co vashandokele, co omo vashandokele, vikashama va mu shwata vavatsiile nakuvalya.

Ezekiyele 34:8

Mwa vushunga omo njapwa Njambi wakuyoya, mwapandele kutolilila kuli yange. Vimanga vyange vavalwisile ku vikashama va mu shwata vaje vavatsiile nakuvalya, omwo kuvakele na kanyungi. Tunyungi vange kuvashakezekele vimanga. Valinyungile lika vakevo vavenya kutuvakana kunyunga vimanga.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Mika 2:12

“Oloni njikamikungulwila amolika, yeni vanu voshe va mu Isalele vaje vanasalao. Njikamikungulwila amolika ngwe vimanga veluka ku vutanga. Ngwe vulilo vunashulu na vimanga, lifuti lyeni likakala na vanu vavangi.”

Hambakuke 2:18

Seo mukajo ili a kamponya? Capwa lika cuma cakupanga ku munu, kakendeka lika vyuma vya makuli. Vuvwa mukajo kakalingi kuli uje wakapangele ngeci akakulaele, njambi uje wakwonwa kwendeka?

Zakaliya 11:17

Kanyungi uje wakujeneka seo navindama! Naseze vutanga vwendi. Mwa vushunga nzita ikamanesa nzili yendi. Livoko lyendi likasekwa, co lisho lyendi lya ku cilyo likatsa.”

Kulava 27:17

uje asa kuvashika nakuvatwamenena, ngeci mbunga yove kesi vapwe ngwe vimanga vakujeneka kanyungi.”

Mateo 9:36

Omo wamwene vimbunga vya vanu, wavazivilile mema ku mbunge, omwo vakele nakuyandangela nakujuka, ngwe vimanga kuvesi na kanyungi.

Mako 6:34

Omo Yesu watundile mu vwato, wamwene mbunga yakama, co wavazivilile mema ku mbunge, omwo vapwile ngwe vimanga vakujeneka kanyungi. Ngecivene, washangumukile kuvalongesa vyuma vyavingi.

Kwituluka mu Mashiko 13:2

ngeci amitwamenene kukulemesa nakupangela vinjambi vaje kumwalemesele laja. Nameme nga vije vyakendeka vikapwa vya vushunga,

Maako 18:14

Asinoni vaje vanalume vaile nakunenga lifuti lya Laishe, vendekele kuli vandolome vavo ngwavo, “Yeni mwazivuka ngeci kuno a vinjuvo evi, kuli imo ili na njambi wa citi wakufwika na siliva ndi? Co kuli vinjambi vakwavo lalo na kangamuna kakwola. Vatijo muyongola mutunapande kulinga?”