Zakaliya 10:12 - Livulu lya Shukulu Kalunga

¹² Vanu vange vakapwa vaka-nzili, vakanjilemesa nakunjononoka.” Mwanendeka Shukulu Kalunga.

Zakaliya 10:12 Iomraidhean Croise

Kushangumuka 24:40

Co wanjikumbulwile ngwendi, ‘Shukulu Kalunga, uje injononoka visimbu vyoshe, akatuma kangelo kendi amo nove, kukuvwaesela vya ngila yove. Yove ukambatela munange munakazi kuli vavushoko vwange, munakazi wa ku naanga ya tate.

Kushangumuka 5:24

Inoke wendele na kulitombola na Njambi simbu yendi yoshe, co kuvamumwene lalo, omwo Njambi wamutwalele mwilu.

Isaya 2:5

Eni vatekulwila va Yakomba, tuyoyeni mu ceke ca Shukulu Kalunga.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Ezekiyele 30:24

Asinoni njikakolesa mavoko a mwene wa Mbambilone nakwaka mukwale wange mu mavoko endi. Oloni njikapokola mavoko a mwene wa Ingito, co akakemanga nakutsila ku mesho a vitozi vendi.

Mika 4:5

Muyati woshe wa vanu valemesa nakwononoka njambi yavo wa kamponya, oloni yetu tukalemesa nakwononoka Shukulu Kalunga Njambi yetu ku myaka yoshe.

Zakaliya 10:6

“Vanu va mu Yunda njikavapwisa vaka-nzili, njikapatula vanu va mu Isalele. Njikavazivila ngozi, co voshe njikavelwisa kwimbo. Vakapwa ngwe vaje kunjavyanene. Yange njapwa Kalunga Njambi yavo, njikakumbulula malombelo avo.

Zakaliya 12:5

Asinoni vikota vya Yunda vakalyendekesa vakevo vavenya ngwavo, ‘Shukulu Kalunga Njambi Muka-nzili yoshe akana nzili kuli vanu vendi vaje vakala mu Yelusalema!’

Efeso 6:10

Akukotoka, koleseniko muli Mwene na mu nzili ya vukama vwendi.

Filipu 4:13

Njasa kulinga vyuma vyoshe a nzili ije yananjana Kilistu.

Kolose 2:6

Ngwe omo munatambula Kilistu Yesu kupwa Mwene, co yoyeni muli ikeye.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

1 Tesalonika 2:12

Twamitakamesele, twamizembelekele, twamisindiiye kuyoya yoyesi ije ivwaelelesa Njambi, uje alinakumisana ngeci mulipangele amo Vumwene vwendi vavenya na vumpau.

1 Tesalonika 4:1

Mukumanesela, vasamba vetu, mwalilongesele kuli yetu vati munapande kuyoya ngeci muvwaelelese Njambi. Mwa vushunga vene, omu mukemwo mumunakala nakuyoya. Co ololo tumilomba nakumisindiya mu lizina lya Mwene Yesu ngwetu muwezeleleko manene.

2 Timateo 2:1

Ngeci mwove munange, kolesa mu kutetela kuje kuli muli Kilistu Yesu.