Zakaliya 1:6 - Livulu lya Shukulu Kalunga

⁶ Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”

Zakaliya 1:6 Iomraidhean Croise

2 Vimyene 15:12

Ngecivene, vashulisile cikulaeso cije calingile Shukulu Kalunga kuli Mwene Yehu ngwendi, “Vatekulwila vove vakapwa vimyene va mu Isalele kweta ku cisemwa camuciwana.”

Yombi 6:29

Yongoleni lalo a vije mulinakwendeka, kengeni ngeci kunjalingile mwamuvi.

Isaya 21:17

Vanalume vaka-mata a lusipa va mu Kendale vakasalao lika vavandondo. Yange Kalunga Njambi ya Isalele, njinendekamo.”

Isaya 44:26

Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Isaya 55:1

Shukulu Kalunga alinakwendeka ngwendi, “Nga muli na lihwila, ijeni munwe mema! Nga kumwesi na vimbongo, ijeni mulye vije vimushaka! Ijeni mwakunwe vinyu na mavele, kujeneka kuvilanda na vimbongo!

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Njelemiya 23:20

vukalu vwa Shukulu Kalunga kuvukahu kuvanga noo namanesa kulinga vyuma vyoshe vije vyayongwele kulinga. Ku matangwa a kulutwe vanu vendi vakazivisisa vyuma evi mwamuvwa.”

Njelemiya 26:15

Oloni zivukeni ngweni nga munjitsiya, co yeni, na nganda ino, mukakala na mulonga wakutsiya munu wakujeneka mulonga, omwo Shukulu Kalunga ikeye wanjitumine ngeci njiminangule.”

Njelemiya 28:17

Co Hananiya watsile mu ngonde yamucitanu na vivali mu mwaka uje vene.

Njelemiya 32:24

“VaMbambilone vanalundika mikinya kuzengeleka Yelusalema ngeci vailwise, vanu vali mu vukalu vwa njala ya lyangengela na mishongo, co nganda vakayana ku mavoko a vaMbambilone vaje valinakuyilwisa. Co vyoshe viwendekele vinapu vya vushunga.

Njelemiya 36:28

kunona livulu likwavo nakusonekamo vyuma vyoshe vije vyakele mu livulu lyakulivanga.

Njelemiya 39:16

ngeci njileke Evendemeleke kaSundane ngwange Shukulu Kalunga Muka-nzili yoshe, Njambi ya Isalele, nendeka ngwendi, “Ngwe munjendekele ngwange njikanena cihiso a nganda eyi, kunjikanene vuvwa embwe. Omo vyuma evi vikalingiwa, co ukavimona.

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Njelemiya 44:2

Shukulu Kalunga Muka-nzili yoshe, Njambi ya Isalele, wendekele ngwendi, “Yeni voshe mwamwene vukalu vwoshe vuje njanenele a Yelusalema, na ku vinganda vyoshe mu Yunda. Nameme ololo anga vinapu vingundu, naumo wai wakalamo,

Njelemiya 44:28

Oloni vavandondo lika vakaputumuka ku kutsa, vakatunda ku Ingito nakwiluka ku Yunda. Asinoni vaje vakayoyao vakazivuka ngwavo majwi eyajo anapu a vushunga, ange ndi avo?

Njelemiya 44:29

Yange Kalunga, njikamyana cizivukiso ngeci njikamiilwisila mu mwela uno, co cikulaeso cange cakunena vukalu ali yeni cikapwa ca vushunga.

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Njelemiya 5:14

Ngecivene, Shukulu Kalunga Njambi Muka-nzili yoshe wendekele kuli yange ngwendi, “Njelemiya, omwo vanu ava vanendeka vyuma evi, lijwi lyange njikalipwisa ngwe tuhya mu kanwa kove. Vanu va mu Isalele na mu Yunda vakapwa ngwe vitale, co tuhya tukavenyeka njwa.”

Mbimbi 1:18

“Oloni Shukulu Kalunga napu wa vushunga, omwo yange kunjononokele mashiko endi. Yeni vanu muli kwoshe-ikwoshe njitolilileni, kengeni vusiwa vwange. Vakwenje vange na vambanda vange vanavatwala ku vunzinda.

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Mbimbi 3:42

“Tunalingi vuvi nakukutengulukila, co yove Shukulu Kalunga, kuwatusambesele embwe.

Ezekiyele 20:43

Asinoni mukanuka vyuma vyoshe vya vunyengwe vimwalingile na muje mumwalijwalesele. Mukaziva vunyengwe omwo vyuma vyoshe vije vyavivi vimwalingile.

Ezekiyele 37:11

Njambi wendekele kuli yange ngwendi, “Muna munu, vanu va Isalele vanafu ngwe vitsiya evi. Vakevo vendeka ngwavo vanapu vitsiya vyakuminina cau, cinyangavili cavo cinahu, co vananyongo.

Ndanyele 4:28

Vyuma vyoshe evi vyalingiwile kuli Mwene Nevukaneza.

Hoziya 5:9

Isalele akakala mu ngundu a litangwa lije omo kunyanyamesa ciketa. Vanu va Isalele, mwa vushunga vene cuma eci cikasholoka!

Hoziya 9:15

Shukulu Kalunga alinakwendeka ngwendi, “Vilinga vyavo vya vuvi vyoshe vyashangumukilile mu Ngilingale. Kuje vene kukekwo njashangumukilile kuvazinda. Omwo a vuvi vuje vuvanalingi, co njikavasheka mu lifuti lyange. Kunjikavazeme lalo nalumo lwai, vantwama vavo voshe vananjitengulukila.

Amose 9:10

Vaka-vuvi vaje vali akati ka vanu vange vakavatsiila mu nzita, voshe vaje vendeka ngwavo, ‘Njambi kakatava vuvi ngeci vwete kuli yetu.’ ”

Zakaliya 1:7

Mu mwaka wamucivali omo Ndalyuse wapwile mwene, a litangwa lyamumakumi avali na awana ku ngonde yamulikumi na imo (ngonde ya Shemba), Shukulu Kalunga wendekele kuli yange mu cimona ku vutsiki.

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Kulava 32:23

Oloni nga kumunyungu cikulaeso ceni, co munalingi vuvi ku mesho a Shukulu Kalunga. Kesi muvulumune, co vakamihisa a vuvi vweni.

Kulava 33:56

Nga kumukavashekemo, co njikanyongesa yeni ngwe munjayongwele kuvanyongesa vakevo.”

Mateo 24:35

Lilu na asi vikaita, oloni majwi ange kuwakaiti embwe.

Kwituluka mu Mashiko 28:15

“Oloni nga kumwononoka Shukulu Kalunga Njambi yeni nakunyunga mashiko endi oshe awa njinamyana ku litangwa lya lelo, visingo evi vyoshe vikalingiwa ali yeni.

Kwituluka mu Mashiko 28:2

Ononokeni Shukulu Kalunga Njambi yeni ngeci vivezikiso vyoshe evi vikapwe vyeni.

Kwituluka mu Mashiko 28:20

“Nga mulinga vuvi nakuvyana Shukulu Kalunga, co ikeye akamitumina vukalu, nakwilasana, na tuyando, mu vyuma vyoshe vimukalinga, noo vanaminyongesa njwa.

Kwituluka mu Mashiko 28:45

“Vukalu vwoshe ovu vukaija ali yeni, co vukakala ali yeni noo munaziluka njwa, omwo kumwononokele Shukulu Kalunga Njambi yeni nakunyunga mashiko endi oshe na vizilika vije vyamishikile.

1 Tesalonika 5:4

Oloni yeni vasamba vange, kumwesi mu lisusulungu, co Litangwa lije kesi likamikasumune ngwe mwizi.