Zakaliya 1:20 - Livulu lya Shukulu Kalunga

²⁰ Co Shukulu Kalunga wanjimwesele vanu vaka-vipangi vawana vaje vakele nakupanga na miveto.

Zakaliya 1:20 Iomraidhean Croise

Nehemiya 9:27

ngecivene, wavakundikile mu mavoko a vitozi vavo ngeci vavafungulule nakuvashwana. Mu tuyando twavo vatambekele kuli yove ngeci uvakwase, co wavakumbulwile oku uli mwilu. Mukutetela kwove kwakama wavatuminine vantwama, vaje vavaamenene kuli vitozi vavo.

Isaya 44:12

Muka-kufula ambata cisempu ca vutale nakucaka a liko mukucifula. Ajundula muveto na livoko lyendi lya nzili mukupasha vutale. Oloni omo alinakupanga, aziva njala, na lihwila, nakujuka.

Ovandiya 1:21

Vanalume vaka-kuhyana va mu Yelusalema, vakashwana Endome. Shukulu Kalunga vavenya akapwa Mwene.”

Kwituluka mu Mashiko 33:25

Vinganda vyendi vipwe vya vikolo vyakupata na vikuvo, simbu yoshe ayoye mwamuvwa.”

Maako 11:16

Oloni omo vaIsalele valamatele kutunda mu Ingito, vendele mu mambo nakweta ku Lishali Lyakuvenga, co vetele ku Kandeshe.

Maako 11:18

Co vatuvakanene mu mambo, vaile nakulizenga mu lifuti lya Endome na mu lifuti lya Mowavi, noo vezile ku mutambela wa mu ngangela ya Mowavi, ku mutambela ukwavo wa Ndonga ya Alenone. Co vatungile cilombo cavo kuje, oloni kuvajavukile Alenone omwo ikeyo yapwile nginga ya Mowavi.

1 Samwele 12:11

Co Shukulu Kalunga watumine Ngilyone, na Mbalake, na Njefeta, akukotoka watumine yange vene. Co yetu voshe twamyamenene ku vitozi veni, co mwakele mwamuvwa.