Zakaliya 1:2 - Livulu lya Shukulu Kalunga

² Co Shukulu Kalunga Muka-nzili yoshe walekele Zakaliya kwendeka kuli vanu ngwendi, “Yange Kalunga, njaluvalele manene na vakukulwila veni,

Zakaliya 1:2 Iomraidhean Croise

2 Vimyene 22:19

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njikaupwisa mwela wakukomokesa, co vanu vakapangesa lizina lyawo kupwa cisingo. Oloni njazivi lilombelo lyove,

2 Vimyene 23:26

Oloni vukalu vwa Shukulu Kalunga vwakukomokesa vwezile ali Yunda a vije vyalingile Mwene Manase, co nakweta ku simbu eyi vene te kanda acivututumwise.

Ezela 9:13

Nameme muvyalingiwile vyuma vyoshe vije kuli yetu omwo cihiso ca vuvi vwetu, na kupenga-penga kwetu, twazivuka ngeci yove, Njambi yetu, watunyanyamesele kamandondo lika kutuvakana vilinga vyetu vya vuvi, co unatutava ngeci tuyoye.

Myaso 60:1

Unatumbila kuti yove Njambi, ngeci vanatufungulula, unaluvala netu, oloni ololo tukwase.

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Mbimbi 5:7

Vakukulwila vetu valingile vuvi, oloni ololo voshe vanatsi, co ololo tulinakuyanda omwo vuvi vwavo.

Ezekiyele 22:31

Ngecivene, vukalu vwange vukakala ali vakevo omwo vije vivanalingi, co njikavanyongesa ngwe muje mutukanyongesa tuhya.” Shukulu Kalunga wa Akamwa ya Vyoshe nendekamo.

Ezekiyele 8:18

Vakaziva nzili yoshe ya vukalu vwange. Kunjikavecelela ngoco, nambe kuvazivilako mema ku mbunge. Vakalombela nakutambeka kuli yange ngwe muvasela, oloni kunjikavatolilila.”

Zakaliya 1:15

co njinaluvala manene na miyati ya vanu vaje valinakuyoya mu kwoloka. Kamandondo lika njaluvalele na vanu vange, oloni miyati ya vanu vaje vayandesele manene vanu vange.

Zakaliya 7:12

nakukaluwisa manene vimbunge vyavo ngwe limanya. Omwo kuvatolililile ku vilongesa vije njavatuminine kwitilila muli vaka-kwimanena vaje vakeleko ku san̄ulu, co njaluvalele manene.

Zakaliya 8:14

Shukulu Kalunga Muka-nzili yoshe alinakwendeka ngwendi, “Omo vakukulwila veni vanjiluvalesele, co njayongwele kuvalinga mwamuvi, co kunjatengulwile viyongola vyange embwe, oloni njalingile ngwe vene muje njayongwele.

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.