Zakaliya 1:19 - Livulu lya Shukulu Kalunga

¹⁹ Co njehwile uje kangelo wakele nakwendeka kuli yange ngwange, “Evi vimbinga vinalumbunuka cuma mukajo?” Co wanjikumbulwile ngwendi, “Vikevyo vinemanena nzili ya vanu va mu kaye vaje vashandwele vanu va mu Yunda, na vanu va mu Isalele, na ava va mu Yelusalema.”

Zakaliya 1:19 Iomraidhean Croise

1 Vimyene 22:11

Umo wavo vaka-kwimanena, Zendekiya muna Kenaana, wafulile vimbinga vya vutale, co wendekele kuli Ahave ngwendi, “Eci cikeco canendeka Shukulu Kalunga ngwendi, ‘Na vimbinga evi ukalwisa vaSilya, co mwa vushunga vene ukavafungulula.’ ”

Ezela 4:1

Omo vitozi va vanu va Yunda na vanu va Mbenjemani vazivile ngeci vinzinda vaje vaneluka valinakutungulula Njuvo ya Shukulu Kalunga, Njambi ya Isalele,

Ezela 4:4

Co vanu vakele muje mu lifuti vajujwisile vaYunda nakuvazivisa lyova nakuvavindika kutunga Njuvo ya Shukulu Kalunga.

Ezela 4:7

Co lalo omo Mwene Aletasheleshe wa ku Pelesha washwanene, Mbeshelame, na Mitelendate, na Tambele, na vimbunga vyavo vasonekele mukanda kuli mwene. Co uje mukanda vausonekele mu ciAlamaike, vaunungulwile omo vaulavelele.

Ezela 5:3

A simbu ije vene Nguvulu Tatenai wa mu Kangombe ka Yambi ka Yufuleti, na Shetale Mbozenai, na vamyata vakwavo vezile ku Yelusalema, vehwile ngwavo, “Iyajo namitavesa kutungulula Njuvo ya Shukulu Kalunga nakumanesa civumbe?”

Myaso 75:4

Njendekele na vaka-kulyalesa ngwange, ‘Kesi mulyalese,’ co na vaka-vuvi ngwange, ‘Kesi mulishashe.’

Myaso 75:5

Njavalekele ngwange kesi valimwese vukama, co kesi vendeke nakulishasha.”

Njelemiya 48:25

Nzili ya Mowavi vanaimanesa, nakuyinyongesa. Yange Kalunga, njinendekamo.”

Ndanyele 12:7

Co uje munalume wazalele vuzalo vwa linyu wolwele mavoko endi oshe mwilu nakulisinga mu lizina lya Njambi wa Myaka Yoshe. Co njamuzivile endeka ngwendi, “Kukaita myaka itatu na vingonde vitanu na imo. Omo tuyando twa vanu va Njambi tukahwa, co vyuma vyoshe evi vinalingiwa laja.”

Ndanyele 7:16

Ngecivene, njaile kuli umo wa vaje vemanene kuje nakumwihula ngeci anjilumbunwine vyuma vyoshe. Co wanjilumbunwininevyo.

Amose 6:13

Yeni mulinakulishasha akufunguluka kwa nganda ya Londembale. Mulishasha ngweni, “Twapwile tu vaka-nzili ngeci twafungulwile Kalenaime.”

Hambakuke 3:14

Mikili yove yativile muka-kushika mbunga ya mashwalale vendi, omo vezile ngwe lihunzi mukutushandola, valisambele ngwe muvakalisamba vaje vakayandesa tuutu mu vushweke.

Zakaliya 1:18

Mu cimona cikwavo njamwene vimbinga viwana vya vingombe vakulimisa.

Zakaliya 1:21

Co njamwihwile ngwange, “Ava vanu vanaija nakulinga vika?” Co wanjikumbulwile ngwendi, “Vanaija nakujujwisa nakutsena miyati ya vanu vaje yanyongesele lifuti lya Yunda nakushandola vanu vamwo.”

Zakaliya 1:9

Co njamwihwile ngwange, “Mwane, ava tuvalu vanalumbunuka cuma mukajo?” Co wanjikumbulwile ngwendi, “Njikuleka muvanalumbunukila.

Zakaliya 2:2

Co njamwihwile ngwange, “Uya kulijo?” Ikeye wanjikumbulwile ngwendi, “Njiya nakuseteka vulaja na vwihi vwa Yelusalema.”

Zakaliya 8:14

Shukulu Kalunga Muka-nzili yoshe alinakwendeka ngwendi, “Omo vakukulwila veni vanjiluvalesele, co njayongwele kuvalinga mwamuvi, co kunjatengulwile viyongola vyange embwe, oloni njalingile ngwe vene muje njayongwele.