Zakaliya 1:17 - Livulu lya Shukulu Kalunga

¹⁷ Co kangelo wanjilekele lalo kwambulula ngwange, “Shukulu Kalunga Muka-nzili yoshe nendeka ngwendi vinganda vyendi vikashula na vivezikiso lalo, co akakwasa Siyone nakupwisa Yelusalema nganda yendi vavenya.”

Zakaliya 1:17 Iomraidhean Croise

2 Mizimbu 6:6

Oloni ololo njinaangula Yelusalema kupwa mwela uje vakanjilemesela, co lalo njinaangula yove Ndaviti kushwana vanu vange.’ ”

Nehemiya 11:20

Co vanu va Isalele vaje vasaleleo, na vaka-kukombelela vaje vasaleleo, na vaLevi, vayoyelele a vufuko vwavo mu vinganda vikwavo na mu vindandanga vikwavo vya mu Yunda.

Nehemiya 11:3

Co mu vindandanga vikwavo na mu vinganda mukemwo mwakele vanu va Isalele, na vaka-kukombelela, na vaLevi, na vaka-kupanga mu Njuvo ya Shukulu Kalunga, na vatekulwila va vangamba va Solomoni, vaje vayoyelele a vufuko vwavo mu vinganda vyavo. Mu Yelusalema mwakele vamo vanu va Yunda na vamo vanu va Mbenjemani.

Myaso 69:35

Omwo Njambi akamena Siyone, nakutungulula vinganda vya Yunda, co vangamba vendi vakakala muje, co lifuti likapwa vushwana vwavo,

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 44:26

Oloni omo ngamba yange endeka vya vuka-kwimanena, omo njituma muluwa mukujombolola matumbe ange, njitumba matumbe na vuka-kwimanena ngeci vipwe vya vushunga. Njileka Yelusalema ngwange vanu vakatungamo lalo, na vinganda vya Yunda vakavitungulula lalo. Vinganda evi vikasholoka mu vingundu.

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Isaya 51:3

“Njikazivila mema ku mbunge Yelusalema, na voshe vaje valinakuyoya mu ngundu yendi. Nameme lifuti lyavo linapu mambo, njikalipwisa ngwe citungu ca Endeni cije cinjakunine. Yelusalema ikajolela nakuvwaelela, ikaimba myaso yakushangazala nakukandelela kuli yange.

Isaya 52:9

Yeni vingundu vya Yelusalema, shangumukeni kwimba myaso yakujolela! Shukulu Kalunga napatula Yelusalema nganda yendi nakuzembeleka vanu vendi.

Isaya 54:8

Omwo njaluvalele njakusezele kasimbu kakandondo lika, oloni njikakumwesa cizemo cange ku myaka yoshe. Ngwendi Shukulu Kalunga uje muka-kukwamena.

Isaya 66:13

Njikamizembeleka mu Yelusalema, ngwe cisemi azembeleka munendi.

Njelemiya 31:13

Vambanda vakakina nakuvwaelela, vanalume va vakulunu amo na vakwenje voshe vakavwaelela. Njikavazembeleka, co kulila kwavo kukapwa kujolela, na vusiwa vwavo vukapwa kuvwaelela.

Njelemiya 33:13

Mu vinganda vya mu lifuti lya malundu, na mu vinganda va mu lifuti lya ku vushelumukilo vwa malundu, na mu mbwela ya mutambela wa lifuti lya Yunda, mu lifuti lya Mbenjemani, na mu membo akuzengeleka Yelusalema, na mu vinganda vya mu Yunda, tunyungi vakalisa lalo vimanga vavo. Yange Kalunga, njinendekamo.”

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

Ezekiyele 36:33

Shukulu Kalunga wa Akamwa ya Vyoshe alinakwendeka ngwendi, “Omo njinamijelesa ku vuvi vweni vwoshe, njikamitavesa kukala mu vinganda vyeni lalo, nakumitava kutungulula vije vyaviile.

Amose 9:14

Njikelwisa vanu vange ku lifuti lyavo. Vakatungulula vinganda vyavo vije vyasiwukile, co vakakalamo, vakakuna vitungu vya mikolovozi ya vushuka vwa vinyu, nakunwa vinyu, vakalima vitungu nakulya vije vanalimimo.

Ovandiya 1:20

Mashwalale va vinzinda va ku Hala, vakeluka nakutambula lifuti lya Fonisha, kweta na ku kunto ya Zelefate. Vinzinda va mu Yelusalema vaje vali mu Shefelande, vakatambula vinganda vya Nengeve.

Zakaliya 1:14

co kangelo wanjilekele ngeci njambulule vije vyendekele Shukulu Kalunga Muka-nzili yoshe ngwange Shukulu Kalunga nendeka ngwendi, “Njili na cizemo cakama manene a Yelusalema, nganda yange yakujela

Zakaliya 1:18

Mu cimona cikwavo njamwene vimbinga viwana vya vingombe vakulimisa.

Zakaliya 2:12

Co Yunda lalo ikapwa vufuko vwa Shukulu Kalunga vwa seo yakama mu lifuti lyendi lyakujela, co Yelusalema ikapwa nganda ije yaazema manene kutuvakana vinganda vyoshe.

Zakaliya 2:4

Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka.

Zakaliya 3:2

Kangelo ka Shukulu Kalunga wendekele kuli Satana ngwendi, “Shukulu Kalunga akuhise, Satana! Shukulu Kalunga uje wazema Yelusalema akuhise. Munalume ou napu ngwe cimbundi cakushitula mu tuhya.”

Efeso 1:4

Nambe te kaye kanda vakatange, Njambi watwangwile laja tupwe tu vendi muli Kilistu, ngeci tupweni vakujela nakujeneka mulonga ku mesho endi. Omwo cizemo cendi