Zakaliya 1:12 - Livulu lya Shukulu Kalunga

¹² Asinoni uje kangelo wendekele ngwendi, “Shukulu Kalunga Muka-nzili yoshe, yove unaluvala na Yelusalema na vinganda vya Yunda a myaka makumi atanu na avali. Simbu ikoni ukavazivila mema ku mbunge?”

Zakaliya 1:12 Iomraidhean Croise

2 Mizimbu 36:21

Ngecivene, vyoshe vyendekele Shukulu Kalunga muli Njelemiya muka-kwimanena vyalingiwile ngwendi, “Lifuti likapwa ngundu a myaka makumi atanu na avali, kwana simbu ku Litangwa Lyakuhwima, lije kuvanyungile.”

Myaso 102:10

omwo vukalu vwove nakuluvala kwove, unanjumbila kuti.

Myaso 102:13

Kala na mema ku mbunge na Siyone, omwo simbu inete yakumutetela, ino ikeyo vene simbu yaivwa!

Myaso 69:5

Yove Njambi uzivuka vukolokomba vwange, co vuvi vwange kuvwavandele kuli yove embwe.

Myaso 74:10

Yove Njambi visimbu vingaijo, vitozi vetu vakakujola? Kuma vakatwalao kushaula lizina lyove ku myaka yoshe ndi?

Myaso 79:5

Visimbu vingaijo ukaluvala netu yove Shukulu Kalunga? Kuma ukaluvala ku myaka yoshe ndi? Kuma lifuwa lyove likashwama ngwe tuhya ndi?

Muka-kwambulula 3:3

kuli simbu yakutsiya, na simbu yakwindula, kuli simbu yakusiwula, na simbu yakutunga.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Njelemiya 12:4

Visimbu vingai lifuti lyetu likauma, na mwila wa mu mahya oshe ukajujwama? Tusitu na tuzila valinakutsa omwo vuvi vwa vanu vetu, vanu ava valyalesa nakwendeka ngwavo, “Njambi kamono evi tulinakulinga.”

Njelemiya 15:17

Kunjatumbamene amo na vanu veka, nambe kujola navo, nakuvwaelela amo navo embwe. Mukwononoka mashiko ove, njakele ange lika, vukalu vwove vwanjilemenenene manene.

Njelemiya 29:10

“Shukulu Kalunga alinakwendeka ngwendi, ‘Omo myaka yakukala mu Mbambilone makumi atanu na avali inahu, co njikakala na ngozi neni nakunyunga cikulaeso cange cakumiilwisila lalo kwimbo.

Njelemiya 30:18

Shukulu Kalunga alinakwendeka ngwendi, “Njikelwisila vanu vange mu lifuti lyavo, co njikazivila mema ku mbunge naanga na naanga, vakatungulula Yelusalema, co lipela lya mwene vakaliilwisila mu mutambela walyo walaja.

Ndanyele 12:6

Co umo wendekele kuli uje wazalele vuzalo vwa linyu, uje wakele sambwa lije lya ndonga ngwendi, “Kukaita simbu ingaijo ngeci vikomokeso evi vikahwe?”

Ndanyele 9:2

Mu mwaka wakulivanga omo wapwile mwene, yange Ndanyele njakele nakulilongesa mavulu akujela nakuyongola a myaka makumi atanu na avali ije Yelusalema ikapwa ngundu, ngwe lijwi lya Shukulu Kalunga lyalekele Njelemiya muka-kwimanena.

Hambakuke 1:2

Shukulu Kalunga, visimbu vyavingi njinakala nakutambeka kuli yove ngeci unjikwase. Simbu mukajo ukanjitolilila? Simbu mukajo ukatwamena ku vanu vaje vashaka kulinga vyuma vya muuka kuli yetu?

Zakaliya 1:8

Njamwene kangelo ka Shukulu Kalunga walondele a kavalu wakuvenga. Co wemanene mu cana akati ka miti ya mikuve, munima yendi mwakele lalo tuvalu vakwavo vakuvenga, na ava vakuvenguluka, na ava vakutoka.

Zakaliya 7:5

Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe.

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

Kujombolola 6:10

Co vatambekele na lijwi lyakama ngwavo, “Shukulu Kalunga Muka-nzili yoshe, wakujela na vushunga! Simbu mukajo ukakala ngeci ukasompe vanu va asi nakuvanyanyamesa omwo vatutsiile?”