Yunda 1:9 - Livulu lya Shukulu Kalunga

⁹ Nameme uje kangelo wakama Mingeli kacilingile eci. Mukulikanangana kwendi na Liyavola, omo valizungilile muvila wa Mosesa, Mingeli kashukile kwendeka kuli Liyavola na majwi akumushaula, oloni wendekele kuli ikeye ngwendi, “Mwene akuvindike!”

Yunda 1:9 Iomraidhean Croise

1 Mizimbu 12:17

Co Ndaviti waile kuli vakevo wendekele navo ngwendi, “Nga munaija kupwa vasamba mukunjikwasa, co njamitambula mwamuvwa, lipandakaneni netu! Oloni nga munaija nakunjenda vungungu kuli vitozi vange ni, nameme yange kunjamivulumwine, Njambi ya vakukulwila vetu akacizivuka, co akamihisa.”

Kutuuka 22:28

“Kesi mwendeke mwamuvi ali Njambi, co lalo kesi musinge ntwama wa vanu veni.

Ndanyele 10:13

Kangelo muka-kunyunga vumwene vwa Pelesha wanjivindikile matangwa makumi avali na limo. Asinoni Mingeli, uje mukulunu wa tungelo, wezile nakunjikwasa, omo njasalele ange lika muje mu vumwene vwa Pelesha.

Ndanyele 10:21

Co munima yevi, kangelo muka-kunyunga wa ku Ngelese akasholoka. Co kukwesi weka akanjikwasa wai kuvanga Mingeli,

Ndanyele 12:1

Kangelo uje wazalele vuzalo vwa linyu wendekele ngwendi, “A simbu ije kangelo Mingeli, uje muka-kunyunga vanu vove akasholoka. Asinoni kukakala simbu ya tuyando, tuyando twakama manene tuje kutwakeleko tunde aje vatangelele kaye. Omo simbu ije iketa, vanu voshe va ku muyati wove vaje mazina avo vanawasoneka mu livulu lya Njambi vakovoka.

Zakaliya 3:2

Kangelo ka Shukulu Kalunga wendekele kuli Satana ngwendi, “Shukulu Kalunga akuhise, Satana! Shukulu Kalunga uje wazema Yelusalema akuhise. Munalume ou napu ngwe cimbundi cakushitula mu tuhya.”

Mako 15:29

Co vanu vaje vakele nakwita kuje vaningangesele mitwe yavo nakushaula Yesu ngwavo, “Lelo tumona! Yove washakele kusiwula Njuvo ya Shukulu Kalunga, co ukayitunga lalo a matangwa atatu!

Kwituluka mu Mashiko 34:6

Co Shukulu Kalunga wamutsindile ku cimbongo ca Mowavi, calishungama na nganda ya Mbetepeole, oloni naumo wai wazivukile mbumbo yendi kweta ku litangwa lya lelo.

1 Tesalonika 4:16

Kukakala mutambi wa lijwi lyakama lyakushika, lijwi lya kangelo wakama, nakwoya kwa lupembo lwa Njambi, co Mwene ikeye vavenya akashuluka kutunda mwilu. Co vaje vatsile mukukulaela kuli Kilistu vakasangukila ku mwonyo akulivanga,

1 Petulu 3:9

Kesi mwilwisile vuvi ku vuvi nambe cisingo ku cisingo, oloni ilwisileni civezikiso, omwo civezikiso cikeco cakulaesele Njambi kumyanaco omo wamisanene.

2 Petulu 2:11

Nameme tungelo, vaje vali na nzili yakama manene kutuvakana ava valongisi va makuli, kuvesi kuvavangela na kashaundu ku mesho a Mwene.

Kujombolola 12:7

Asinoni nzita yashangumukile mwilu. Mingeli na tungelo twendi valwile nzita na uje canza-ngombe, co canza-ngombe na tungelo twendi valwile,