Yunda 1:7 - Livulu lya Shukulu Kalunga

⁷ Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Yunda 1:7 Iomraidhean Croise

Kushangumuka 13:13

Vanu va ku Sondoma vapwile vaka-vuvi, valingile vyuma vyavivi manene ku mesho a Shukulu Kalunga.

Kushangumuka 18:20

Asinoni Shukulu Kalunga wendekele kuli Avilahama ngwendi, “Njinazivi a vuvi vwakukomokesa vuli mu Sondoma na Ngomola.

Kushangumuka 19:5

Vasanene Lote nakumwihula ngwavo, “Vali kulijo vaje vanalume vaneja kuli yove vutsiki vuno? Tutuwisilevo ano anja!” Vanalume va mu Sondoma vendekele ngacije omwo vashakele kulala navo.

1 Vimyene 22:46

Co ikeye washekele voshe vikwizi va vanalume na ava va vanakazi vaje vakele nakupanga ku mitula ya vinjambi va makuli vaje vasaleleo kutunda ku matangwa a ishe Asa.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 13:19

Vumwene vwa Mbambilone vwapwa vwavuvwa manene na nzili kutuvakana vumwene vwoshe, vavenya vumwene valyaleselavwo. Oloni yange Kalunga, njikanyongesa Mbambilone ngwe munjanyongesele Sondoma na Ngomola!

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Njelemiya 20:16

Apwe ngwe vinganda vije vyanyongesele Shukulu Kalunga, kwonwa kuvizivilako mema ku mbunge. Azive mutambi wa kuuya-uya ku simbu ya mutondo na mutambi wa nzita ku simbu ya mutanya,

Njelemiya 50:40

Cuma cimo cikalingiwa ku Mbambilone, ngwe cije calingiwile ku Sondoma na Ngomola, omo njavanyongesele amo na vinganda vije vyakele kuyehi. Naumo wai lalo akakala muje. Yange Kalunga, njinendekamo.

Mbimbi 4:6

Vanu vange vanavanyanyamesa manene kutuvakana vuvi vwa Sondoma, nganda ije yanyongele na nzili ya Njambi.

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Mateo 10:15

Mwa vushunga njimileka ngwange, a Litangwa Lyakusompa Njambi akamwesa vaka-Sondoma na vaka-Ngomola mema ku mbunge kutuvakana nganda ije!

Mateo 11:24

Oloni njimileka ngwange, a Litangwa Lyakusompa Njambi akatetela manene vanu va ku Sondoma kutuvakana yeni.”

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Luka 17:29

A litangwa lije Lote watundile mu Sondoma, tuhya na mamanya akunyongolokota vyanyokele ngwe nyonzi yakutunda mwilu, co vyavanyongesele voshe.

1 Kolinte 6:9

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

Kwituluka mu Mashiko 29:23

Mahya akominina, akakakama na lilungu, na mwongwa, cuma nacimo cai cikamenamo, nameme mwila. Co lifuti lyeni likafwa ngwe vinganda vya Sondoma, na Ngomola, na Andema, na Zemboime, vinganda vije vyanyongesele Shukulu Kalunga omo waluvalele manene.

2 Tesalonika 1:7

co ikeye akamihwimisa yeni mulinakuyanda, co na kuli yetu lalo. Akalinga eci omo Mwene Yesu akasholoka kutunda mwilu na tungelo twendi va nzili,

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

2 Petulu 2:2

Nameme ngoco, vavangi vakakavangeya vingila vyavo vya vuvi, co omwo a vije vanalingi, vanu vamo vakendeka vyavivi a Ngila ya vushunga.

2 Petulu 2:6

Njambi wahisile vinganda vya Sondoma na Ngomola, wavinyongesele na tuhya, co wavipwisile cimweso ali vije vikalingiwa kuli vaka-vuvi.

2 Petulu 3:7

Oloni lilu na kaye evi viliko ololo vanavitulika a lishiko lya cifwa cimo lya Njambi, ngeci vakavinyongese na tuhya. Vikevyo vanavitulikila litangwa lije omo vanu vaka-vuvi vakavasompa nakuvanyongesa.