Yunda 1:6 - Livulu lya Shukulu Kalunga

⁶ Anukeni tungelo vaje kuvanyungile myela yavo na moko yavo, oloni vasezele mwela wavo, vanavakutiiya na malyenge a myaka yoshe mu lisusulungu lya kwisi, kuje kwanavanyungila Njasmbi noo ku Litangwa lije lyakama omo vakavahisa.

Yunda 1:6 Iomraidhean Croise

Mateo 10:15

Mwa vushunga njimileka ngwange, a Litangwa Lyakusompa Njambi akamwesa vaka-Sondoma na vaka-Ngomola mema ku mbunge kutuvakana nganda ije!

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Efeso 6:12

Omwo kutwesi nakulwa na vanu embwe, oloni tulinakulwa na nzili yavivi vya minzinzime ya a mukambwila na vaka-kushwana na vaka-moko ya kushika na ava vaka-kushwana na nzili mu lisusulungu eli lya myaka ino iliko.

VaHevelu 10:27

Oloni kunasala lika kuvandamena na lyova Kusompa kuje kuli nakwija, co na litende lya tuhya lije likanyongesa vaje vashaula Njambi!

2 Petulu 2:4

Omwo Njambi katetelele tungelo vaje valingile vuvi, oloni wavombilile mu mbulu ya tuhya muje vanavakutiiya mu malyenge mu lisusulungu, nakuvandamena Litangwa Lyakusompa.

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,

Yunda 1:13

Vanafu ngwe mankimba a mema a kalunga, co vilinga vyavo vya shwamwa vilinakusholoka ngwe lifulu lya a mema. Vanafu ngwe vingongonosi yakwendangana ngoco, vaje Njambi navatulikila mwela mu lisusulungu lyakuzivala vwii muje vakakala myaka yoshe.

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.

Kujombolola 20:2

Co wakwatele canza-ngombe, linyoka wa ku san̄ulu, ikeye Liyavola nambe Satana, co wamukutile malyenge myaka 1,000.