Yunda 1:23 - Livulu lya Shukulu Kalunga

²³ ameneni vakwavo mukuvokola mu liko, co vakwavo vazivileniko mema ku mbunge amo na lyova, oloni kesi muzeme vuzalo vwavo, vuje vunavihya laja na mashungu avo amavi.

Yunda 1:23 Iomraidhean Croise

Visimo 7:8

Ikeye wakele nakwenda mu tapalo, kuyehi na masambwa-ngila kuje kwakele munakazi umo. Co mukwenje ou wetile kuyehi na njuvo ya uje munakazi,

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Mbimbi 4:14

Co vantwama vendi vakele nakwendangana mu vitapalo ngwe tupuputwa. Valijwalesele na maninga, co naumo wai wasele kuvakwata.

VaLevi 14:47

co munu woshe alalamo, nambe kulila mu njuvo ije, napande kukusha vuzalo vwendi.

VaLevi 15:17

Co cuma coshe cakutunga na nanga nambe na cilambu aje anawila ije mbuto vanapande kucikusha, co cikapwa cakujeneka kujela noo ku cingwezi.

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Loma 11:14

Amo njasa kulingisa vanu va ku muyati wange lifuwa, ngeci njase kwamenako vamo.

1 Kolinte 15:33

Kesi vamikwise, “Vwilanyo vwavuvi vuviisa vilinga vyavivwa.”

1 Kolinte 3:15

Oloni nga vipangi vyove vikenya, co nacimo cai ukatambula, oloni yove vavenya ni ukovoka, ngwe unaputumuka mu tuhya.

2 Kolinte 5:11

Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

2 Tesalonika 3:14

Amo kuli umo uje kashaka kwononoka lijwi lyetu lije twatumu kuli yeni mu mukanda ou. Nga ngoconi, mukengeni, co mushondolokeni, ngeci shwamwa imukole.

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.

2 Yowano 1:11

Omwo woshe uje avakandelela mu kwoloka alitombola navo mu vuvi vuje vuvakalingi.

Yunda 1:22

Zivileni mema ku mbunge vaje vali na vimata,

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.

Kujombolola 3:4

Oloni vamo veni vavandondo mu Salendisiya vananyungu vuzalo vwavo kupwa vwakujela. Vakenda amo nange, nakuzala vuzalo vwakutoka, omwo vafwila kulinga ngacije.