Yunda 1:18 - Livulu lya Shukulu Kalunga

¹⁸ Vendekele kuli yeni ngwavo, “A matangwa akukotoka, vanu vakasholoka vaje vakamishendumuna, vanu vaje vakakavangeya mashungu avo amavi.”

Yunda 1:18 Iomraidhean Croise

Vilinga vya Miluwa 20:29

Njazivuka ngwange omo njiya, tungunga va vukalu vakaija akati keni, co kuvakatetela vutanga.

2 Timateo 3:13

co vanu vaka-vuvi na vaka-manseno vakatwalelelao kulinga vuvi manene, nakukwisa vakwavo nakulikwisa vakevo vavenya.

2 Timateo 4:3

Omwo simbu ikaija omo vanu kuvakatolilila ku kulongesa kwa vushunga, oloni vakakavangeya mashungu avo, co vakalikungulwila valongisi vavangi vangi vaje vakavaleka vije vashaka kuziva.

2 Petulu 2:1

Oloni ku san̄ulu kwasholokele vaka-kwimanena va makuli akati ka vanu, co mu cifwa eci vene, valongisi va makuli vakasholoka lalo akati keni. Vakevo vakanena vilongesa vyavivi vyakunyongesa vyakujeneka vushunga, nakuvyana Shukulu yavo uje wavovwele, co vakalinenela vakevo vavenya kunyonga kwa vwasi-vwasi.

2 Petulu 2:10

vunene kuli vaje valinakukavangeya mashungu amavi a muvila nakushaula moko ya Njambi. Ava valongisi va makuli vapwa vakwamuka nakujeneka lyova, kuvesi kusholola kasingimiko kuli vaka-vumpau vaje vali akamwa, oloni vakevo valinakuvashaula.

2 Petulu 3:3

Akulivanga, munapande kuzivisia cuma eci, ngweni a matangwa akukotoka kukasholoka vanu vaje vakayoya yoyesi yakwenda mu mashungu avo amavi. Vakamishendumuna,

Yunda 1:16

Vanu ava simbu yoshe vaka-kungunguta nakwana mulonga vakwavo, vakakavangeya mashungu avo amavi, vaka-kulishasha nakwendeka majwi a kulyalesa kuli vakwavo ngeci vapange vizango vyavo.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.