Yunda 1:17 - Livulu lya Shukulu Kalunga

¹⁷ Oloni yeni munapande kwanuka, vasamba vange, vika vamilekele miluwa a simbu ya kunima vya Mwene yetu Yesu Kilistu.

Yunda 1:17 Iomraidhean Croise

Malakiya 4:4

“Anukeni vilongesa vya ngamba yange Mosesa, na mashiko aje anjamwanene a Munkinda wa Sinai kuli vanu voshe va Isalele ngeci vawononoke.

Vilinga vya Miluwa 20:35

Njamimwesa mu vyuma vyoshe ngeci akupanga na nzili manene mu ngila eyi tunapande kukwasa vaka-kuzeya, kwanuka majwi aje Mwene Yesu vavenya wendekele ngwendi, ‘Muli kujolela kwakama manene mukwana kutuvakana mukutambula.’ ”

Efeso 2:20

Neni lalo vanamitungu a luvula luje luvajalele miluwa na vaka-kwimanena, limanya lije lya mu mbango likelyo Kilistu Yesu vavenya.

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

2 Petulu 3:2

Njishaka mwanuke majwi aje vendekele laja vaka-kwimanena vakujela, na lishiko lyakutunda kuli Mwene na Muyoyesi lije livamyanene miluwa veni.

1 Yowano 4:6

Oloni yetu tunakundama kuli Njambi. Woshe uje azivuka Njambi atolilila kuli yetu, woshe uje kakundamene kuli Njambi kasa kutolilila kuli yetu. Ngecivene, omu mukemwo twasa kwangula akati ka Munzinzime wa vushunga na munzinzime wa makuli.

Yunda 1:3

Vasamba vange, njalingile ngwe munjinasela mukumisonekela akwovoka kuje tunalipangezela, omo njawanene ngeci mwamuvwa kumisonekela ololo nakumitakamesa kutwalao kulwila kukulaela kuje Njambi wanenene lumo kuli vanu vendi voshe.