Yunda 1:14 - Livulu lya Shukulu Kalunga

¹⁴ Inoke lalo uje wapwile wamucitanu na umo ku vatekulwila va Andama, uje ku san̄ulu wambulwile vuka-kwimanena ali vakevo, co wendekele ngwendi, “Kengeni, Mwene akaija na makulukazi a tungelo twendi,

Yunda 1:14 Iomraidhean Croise

Kushangumuka 5:18

Omo Njalende wakele na myaka 162 wakitile mwana wa munalume lizina lyendi Inoke.

Isaya 26:21

Shukulu Kalunga alinakwija kutunda mwilu muje mwakala mukuhisa vanu va ano asi omwo a vuvi vwavo. Kulitsiya kuje kwalingiwile mu vushweke ano asi kukajomboloka, co livu kulikashweke vanu vaje vavatsiile.

Zakaliya 14:5

Co yeni mukatewela mu cimbongo eci caangununa munkinda mu mitambela ivali. Mukatewa ngwe muvatewele vakukulwila veni omo lifuti lyajajele a simbu ya Mwene Uziya wa mu Yunda. Shukulu Kalunga Njambi yange akaija, akaija amo na tungelo twendi vakujela.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.

Kwituluka mu Mashiko 33:2

Wendekele ngwendi, “Shukulu Kalunga watundile a Munkinda wa Sinai, watuukile na vumpau vwendi, ngwe litangwa akamwa ya Endome, watwililile ceke ali vanu vendi oku ali a Munkinda wa Palane. Co wakele amo na tungelo 1,000, tuhya twashukumine mu livoko lyendi lya cilyo.

1 Tesalonika 3:13

Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.

VaHevelu 12:22

Oloni, yeni munaija ku Munkinda wa Siyone na nganda ya Njambi wakuyoya, Yelusalema ya mwilu, na tungelo vamwo vavangi-vangi.

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.

Kujombolola 5:11

Njakengele lalo, co njazivile tungelo vavangi-vangi mameme! Vemanene nakuzengeleka litanda, na vaje vikashama vawana akuyoya, na vakulunu,