Yowano 9:8 - Livulu lya Shukulu Kalunga

⁸ Vandambo vendi na vaje vamumwene laja alinakulomba vwana vehwile ngwavo, “Ou kesi ikeye uje munalume watumbamene nakulomba vwana ndi?”

Yowano 9:8 Iomraidhean Croise

Mako 10:46

Co vezile ku Yeliko, omo Yesu watundile kuje amo na vandongisi vendi na mbunga ya vanu vavangi, kapuputwa umo muka-kulomba vwana lizina lyendi Mbatimeo muna Timeo watumbamene kumukulo wa ngila.

Luka 1:58

Vandambo na vavushoko vwendi vazivile vyuma vije vyamulingililile Shukulu Kalunga, co voshe vavwaelelele amo nendi.

Luka 18:35

Omo Yesu wetele kuyehi na Yeliko, co kapuputwa umo watumbamene kumukulo wa ngila nakulomba.

Yowano 9:9

Vamo vendekele ngwavo, “Ikeye vene,” oloni veka ngwavo, “Kesi ikeye embwe, nalifu nendi lika.” Ngecivene, ikeye vavenya wendekele ngwendi, “Yange vene.”

Lute 1:19

Vaile, noo vetele ku Mbetelehema. Omo vetele, nganda yoshe valisimokele, co vanakazi va muje vakasamene ngwavo, “Ha! Ou mwa vushunga ikeye Naumi ndi?”

1 Samwele 2:8

“Ikeye atundisa tuutu mu likungu, co avakwasa mukujeneka kwavo. Akavapwisa vasamba va vimyene akavaka mu myela ya kasingimiko. Luvula lwa kaye lwapwa lwa Shukulu Kalunga, akeo natungila kaye.

1 Samwele 21:11

Co vamyata va mwene vendekele kuli Akishe ngwavo, “Ou kuma kesi Ndaviti, mwene wa lifuti? Ou ikeye munalume uje vembile vanakazi mukulisamba kwavo ngwavo, ‘Saulu natsii 1,000, oloni Ndaviti ikeye natsii 10,000.’ ”