Yowano 9:34 - Livulu lya Shukulu Kalunga

³⁴ Vakumbulwile ngwavo, “Yove wasemukile nakukulelela mu vuvi, co ushaka kutulongesa ndi?” Co vamushekele mu sinangonge.

Yowano 9:34 Iomraidhean Croise

Kushangumuka 19:9

Oloni vanalume va mu Sondoma vendekele ngwavo, “Tunda mu ngila yetu, yove mungenzi! Yove iyajo ngeci utuleke vyakulinga? Tunda lika mu ngila, nga uvyana, tukalinga vyavivi manene kuli yove kutuvakana vije tukalinga kuli vakevo.” Vanakwilile Lote munima, co vashwenyele ku njuvo ngeci vatavule lipito.

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

Yombi 14:4

Cuma nacimo cai cakujela citunda ku cuma cakujeneka kujela ngwe munu.

Yombi 25:4

Kuma munu asa kupwa muka-vushunga, nambe kupwa wakujela ku mesho a Njambi ndi?

Myaso 51:5

Kenga, vanjikitilile mu vuvi, na mu vuvi mukemwo muvanjimitilile vanana.

Kutuuka 2:14

Co uje munalume wamukumbulwile ngwendi, “Iyajo nakupwisa muka-kushwana nambe muka-kusompa akati ketu? Kuma yove ushaka kunjitsiya ngwe muje muunatsiile uje kaIngito ndi?” Co Mosesa wakele na lyova, co walyendekesele ikeye vavenya ngwendi, “Kuma vanu vanazivuka eci njinalingi.”

Visimo 22:10

Nga usheka vaje vashendumuna vakwavo, kulijokota na lwozi vikahwa.

Visimo 26:12

Cilema natuvakana munu uje aliyongola ikeye vavenya ngeci napu muka-mana kuma kesi nao.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Isaya 65:5

Co vendeka kuli vakwavo ngwavo, ‘Tushondolokeni, kesi mutushwenye, yetu twalikundika kuli Njambi!’ Kunjasa kumbako mbunge ku vanu va cifwa cangacije, vukalu vwange ali vakevo vunapu ngwe tuhya twa kuzima.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Luka 11:45

Co umo wa valongisi va majwi a Lishiko wendekele kuli ikeye ngwendi, “Mulongisi, omo ulinakwendeka evi ulinakutushaula lalo yetu!”

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

Luka 18:17

Mwa vushunga njimileka ngwange, woshe katambula Vumwene vwa Njambi ngwe mwanike wamundondo, kakakovelamo.”

Luka 6:22

“Mwavezika omwo vanu vamizinda nakumivyana nakumishaula nakumitumbula ngwavo muvavavi, omwo lizina lya Muna Munu!

Yowano 6:37

Woshe uje yananjana Tate aija kuli yange. Co woshe uje aija kuli yange kunjikamusheke,

Yowano 8:41

Yeni mulinakulinga vije vyalingile ishweni.” Vakumbulwile ngwavo, “Njambi lika ikeye Tatetu, yetu tu vana vendi va vushunga.”

Yowano 9:2

Co vandongisi vendi vamwihwile ngwavo, “Mulongisi, iya walingile vuvi ngeci asemuke kapuputwa? Ikeye nambe visemi vendi?”

Yowano 9:22

Visemi vendi vendekele ngeci omwo vazivile lyova lya vakulunu va vaYunda, vaje valizivasanene laja ngeci nga umo endeka ngwendi Kilistu ikeye Wakuvwavesa, co vamusheka mu sinangonge.

Yowano 9:35

Omo Yesu wazivile vije vyalingiwile, co wawanene uje munalume wamwihwile ngwendi, “Unakulaela kuli Muna Munu ndi?”

Yowano 9:40

VaFaliseo vamo vaje vakele nendi omo vazivile vije vyendekele, co vendekele kuli ikeye ngwavo, “Kuma utumbula lalo yetu ngwove tutupuputwa ndi?”

1 Kolinte 5:13

Oloni munapande kusompa vaje vali mu cikungulukilo. Ngwe muvyendeka visoneka ngwavyo, “Tundiseni muka-vuvi uje ali akati keni.”

Ngalatiya 2:15

Mwa vushunga, yetu tunapu tu vaYunda ku cisemwa kesi yetu “vaje kesi vaYunda vaka-vuvi,” ngwe muvali nakuvatumbula.

Efeso 2:3

Mwa vushunga vene tuvavoshe twafwile ngwe vakevo, co twayoyele vene ngwe ku cisemwa ca mashungu etu a vunu, twalingile vije vyoshe mivila yetu na mana etu akele nakuvilinga. Ku cisemwa cetu ca vunu ngwe vanu voshe, vatwimikilile tuyande ku vukalu vwa Njambi.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”

3 Yowano 1:10

Ngecivene, omo njikaija, njakumisholwela vyoshe vyanalingi, vyuma vyakukomokesa vije akendeka ali yetu, na makuli aje akambulula! Oloni vyoshe evi kuvyapwilemo kuli ikeye, kasa kutambula vakwavo vaka-Yesu omo vaija, co avindika lalo nambe vaje vashaka kuvatambula, co avasheka mu cikungulukilo!

3 Yowano 1:9

Njasonekele mukanda wa majwi amandondo ku cikungulukilo, oloni Ndiyotelefese, uje wazema ngeci apwe ntwama yavo, kesi kumbako mbunge ku vije njekendeka.

Kujombolola 13:17

Naumo wai asa kulanda nambe kulandulula kwakujeneka eci cizivukiso, cikeco lizina lya uje cikashama nambe nambala ije inemanena lizina lyendi.