Yowano 9:16 - Livulu lya Shukulu Kalunga

¹⁶ VaFaliseo vamo vendekele ngwavo, “Munu ou nalingi eci katundile kuli Njambi, omwo kononokele Litangwa Lyakuhwima.” Oloni vamo ngwavo, “Muka-vuvi asa kulinga vati vizivukiso ngeci evi?” Co valipangele akati kavo.

Yowano 9:16 Iomraidhean Croise

Mateo 12:10

co kuje kwakele munalume umo wakusekwa livoko. Co vamwihwile ngwavo, “Kuma mwamuvwa kukangwisa munu a Litangwa Lyakuhwima ndi?” Ngeci vamuwanene mulonga.

Mateo 12:2

Oloni omo vaFaliseo vamwene ngacije, vamwihwile ngwavo, “Kenga, vandongisi vove valinakulinga evi lishiko kulitavesa kuvilinga a Litangwa Lyakuhwima!”

Luka 13:14

Co mukulunu wa mu sinangonge waluvalele omwo Yesu wakangwisile munu a Litangwa Lyakuhwima, co wendekele nakuleka vanu ngwendi, “Kuli matangwa atanu na limo aje tunapande kupanga vipangi, ngecivene, munapande kwija mu matangwa aje ngeci vamikangwise, kesi mukaije a Litangwa Lyakuhwima, embwe!”

Yowano 10:19

Kwakele lalo kulyangunuka akati ka vanu omwo majwi awa.

Yowano 14:11

Njikulaeleni omo njendeka ngwange njili muli Tate, co Tate ali muli yange. Nga kesi ngoco, kulaeleni omwo vyuma vije njilinakulinga.

Yowano 15:24

Nga kunjalingile vyuma vije naumo wai wavilingile akati kavo, kuvesi na vuvi, oloni vanamono vije njalingile, co vatuzinda nange na Tate.

Yowano 2:11

Yesu walingile eci cizivukiso cakulivanga ku Kana mu Ngalileya, kuje kwasholwele vumpau vwendi, co vandongisi vendi vamukulaelele.

Yowano 3:2

Munalume ou waile kuli Yesu vutsiki, co wendekele kuli ikeye ngwendi, “Mulongisi, twazivuka ngwetu yove u mulongisi wakutunda kuli Njambi. Omwo naumo wai asa kulinga vizivukiso viwulinakulinga kuvanga Njambi akale amo nendi.”

Yowano 5:10

ngecivene, vaka-kushwana va vaYunda valekele uje munalume wakangukile ngwavo, “Lino linapu Litangwa Lyakuhwima, co eci cinapu kulwisa Lishiko lyetu omo unambata linala lyove.”

Yowano 5:36

Oloni yange njili na vukaleo vwakutuvakana vukaleo vuje vwambulwile Yowano, omwo evi vinjilinga, vinapu vipangi vije vyanjanene Tate ngeci njivilinge, evi vilinakwendeka ali yange mukumwesa ngeci Tate wanjitumine.

Yowano 6:52

Eci cashangumwine vimata vya vikalu akati kavo. Vehwile ngwavo, “Vatijo munalume ou asa kutwana muvila wendi ngeci tuulye?”

Yowano 7:12

Co kuje kwakele kungunguta ali ikeye mu mbunga ije, vamo vanu vendekele ngwavo, “Napu munu wamuvwa.” Co veka lalo ngwavo, “Embwe, alinakutangula vanu.”

Yowano 7:23

Nga mutuula mwanike wa munalume a Litangwa Lyakuhwima ngecivene, kesi mupokole Lishiko, omwo vikajo munaluvala nange omo njinakangwisa munu a Litangwa Lyakuhwima?

Yowano 7:43

Ngecivene, akele kulyangunuka akati ka mbunga ije omwo ali Yesu.

Yowano 9:24

Ngecivene, vasanene uje munalume wapwile kapuputwa lwamucivali vamwihwile ngwavo, “Kulaesa ku mesho a Njambi ngeci wendeka vushunga! Tunazivuka ngwetu munalume ou nakutonesa napu muka-vuvi.”

Vilinga vya Miluwa 14:4

Oloni vanu va muje mu nganda valyangunukile, vamo vemanenene vaYunda, vakwavo vemanenene miluwa.