Yowano 8:56 - Livulu lya Shukulu Kalunga

⁵⁶ Ishweni Avilahama wajolelele ngeci amone litangwa lyakwija kwange, walimwene, co wajolelele.”

Yowano 8:56 Iomraidhean Croise

Kushangumuka 22:18

Muli vatekulwila vove miyati yoshe ya asi ikavezika, omwo yove unononoka kushika kwange.”

Mateo 13:17

Mwa vushunga njimileka ngwange vaka-kwimanena vavangi na vanu va Njambi vavangi vashakele manene kumona vije vimulinakumona, oloni kuvavimwene, co nakuziva vije vimulinakuziva, oloni kuvavizivile.

Luka 10:24

Mwa vushunga njimileka ngwange vaka-kwimanena vavangi na vimyene vavangi vashakele manene kumona vyuma vije vimulinakumona, oloni kuvavimwene, nambe kuziva vije vimulinakuziva, oloni kuvavizivile.”

Yowano 10:25

Yesu wakumbulwile ngwendi, “Njamilekele laja, oloni yeni kumwanjikulaelele. Vyuma evi vinjilinga mu lizina lya Tate vikevyo vimwesa vukaleo vwange,

Yowano 8:37

Njizivuka ngwange mwapwa mu vatekulwila va Avilahama. Oloni mushaka kunjitsiya, omwo kumutambula vilongesa vyange.

Yowano 8:39

Vamukumbulwile ngwavo, “Avilahama ikeye Tatetu.” Yesu wakumbulwile ngwendi, “Nga mwa vushunga mwapwile mu vana va Avilahama, nga neni lalo mulinakulinga vipangi vije vyalingile Avilahama.

VaHevelu 11:13

Vanu voshe ava vatsile mukukulaela, kuvatambwile vyuma vije vyavakulaesele Njambi, oloni vavimwenene kulyala, co vavitambwile mwamuvwa, vatavele mutanya mwelu ngeci vapwile vangenzi na vaka-kwendangana ano asi.

VaHevelu 11:39

Voshe vaje, nambe vamuvwaelelesele Njambi akukulaela kwavo, kuvatambwile cije cavakulaesele Njambi,