Yowano 8:55 - Livulu lya Shukulu Kalunga

⁵⁵ Oloni yeni kumwamuzivukile, yange njimuzivuka. Nga njendeka ngwange kunjimuzivuka, co njipwa nji muka-makuli ngwe yeni. Oloni yange njimuzivuka, co njinonoka lijwi lyendi.

Yowano 8:55 Iomraidhean Croise

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Hoziya 5:4

Vuvi vuje vuvanalingi vanu vunavonwesa kwiluka kuli Njambi yavo. Vanakakateya manene tumponya, co kuvesi nakwononoka Shukulu Kalunga.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Luka 10:22

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vaashaka Mwana kuvasholwelaye.”

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 10:15

Ngwe amo Tate anjizivuka, co nange lalo njizivuka Tate, mu ngila imo vene njizivuka vimanga vange navo lalo vanjizivuka. Co njitula mwonyo wange omwo vimanga vange.

Yowano 15:10

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Yowano 15:21

Oloni vakalinga vyuma vyoshe evi kuli yeni omwo yeni mwapwa muvange, omwo kuvazivuka uje wanjitumine.

Yowano 16:3

Co vanu vakalinga vyuma evi kuli yeni omwo kuvazivukile Tate nambe yange.

Yowano 17:25

Yove Tate wa vushunga! Vaka-kaye kuvakuzivuka, oloni yange njikuzivuka, co ava vazivuka ngeci yove wanjitumine.

Yowano 6:46

Eci kucalumbunukile ngeci umo wamona Tate, kuvanga lika uje watunda kuli Njambi ikeye wamona Tate.

Yowano 8:19

Vamwihwile ngwavo, “Isho ali kulijo?” Yesu wavakumbulwile ngwendi, “Yeni kumunjizivuka nambe kuzivuka Tate. Nga mwanjizivukile, nga mwazivuka na Tate lalo.”

Yowano 8:29

Co uje wanjitumine ali amo nange, kanjisezele ange lika embwe, omwo simbu yoshe njikalingi vije vimuvwaelelesa.”

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Yowano 8:51

Mwa vushunga njimileka ngwange, woshe ononoka vilongesa vyange kakatsi.”

Yowano 8:52

Va Yesu vendekele kuli ikeye ngwavo, “Mwa vushunga ololo tunamono ngeci muli yove muli munzinzime wakujwala! Avilahama watsa, na vaka-kwimanena vatsa, co yove wendeka ngwove woshe ononoka vilongesa vyove kakatsi.

Vilinga vya Miluwa 17:23

Omwo njinende mu nganda yeni nakukenga ku mitambela kuje mukalemesela, njawanene a mutula umo aje vanasoneka ngwavo, ‘Kuli Njambi Uje Kutuzivuka.’ Cije mukalemesa, nameme kumucizivuka, cikeco njilinakwambulula kuli yeni ololo.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

1 Yowano 1:6

Ngecivene, nga twendeka ngwetu tuli na kulitombola muli ikeye, oloni a simbu imolika tulinakuyoya mu lisusulungu, tulinakwendeka makuli mu majwi etu na mu vilinga vyetu.

1 Yowano 2:22

Ngecivene, iyajo muka-makuli? Vaje vendeka ngwavo Yesu kesi ikeye Wakuvwavesa. Vanu ava vakevo vanapu Vitozi va Kilistu, valinakuvyana voshe vavali Ishe na Mwana.

1 Yowano 2:4

Nga twendeka ngwetu tumuzivuka oloni kutwononoka mashiko endi, tunapu tu vaka-makuli, co kumwesi vushunga muli yetu.

1 Yowano 5:10

Ngecivene, voshe vaje vanakulaela ali Muna Njambi vali na vukaleo ovu mu vimbunge vyavo, oloni voshe vaje kuvakulaelele Njambi, vanamupwisa ikeye muka-makuli, omwo vakevo kuvakulaelele vukaleo vuje vwendekele Njambi ali Munendi.

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.