Yowano 8:54 - Livulu lya Shukulu Kalunga

⁵⁴ Yesu wakumbulwile ngwendi, “Nga njilisingimika yange vavenya, kasingimiko kange kapwa kangoco. Uje anjisingimika ikeye Tate, uje imutumbula ngweni Njambi yeni.

Yowano 8:54 Iomraidhean Croise

Visimo 25:27

Kesi mwamuvwa kulya vuki vwavungi, mwamuvi lalo ku vanu kulishakezekela vulemu vakevo vavenya.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Hoziya 1:9

Co Shukulu Kalunga wendekele kuli Hoziya ngwendi, “Muluke lizina ngwove ‘Kesi Vanu Vange,’ omwo vanu va mu Isalele kesi vanu vange, co nange lalo kesi nji Njambi yavo.”

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Yowano 17:5

Ove Tate! Njane vumpau ku mesho ove ololo, vumpau vuje njakele navwo amo nove simbu kanda utange kaye.

Yowano 2:11

Yesu walingile eci cizivukiso cakulivanga ku Kana mu Ngalileya, kuje kwasholwele vumpau vwendi, co vandongisi vendi vamukulaelele.

Yowano 5:41

“Kunjishaka ngeci vanu vanjishangale embwe.

Yowano 7:18

Uje endeka na moko yendi vavenya ashaka kuwana kasingimiko kendi ikeye vavenya. Oloni uje ashaka kasingimiko ka uje wamutumine napu munu wa vushunga, co muli ikeye kumwesi makuli.

Yowano 7:39

Yesu wendekele evi ali Munzinzime Wakujela uje uvakatambula vaje vanakulaela kuli ikeye. A simbu ije Munzinzime Wakujela te kanda vacimutambule, omwo Yesu te kanda asanguke ku vumpau.

Yowano 8:41

Yeni mulinakulinga vije vyalingile ishweni.” Vakumbulwile ngwavo, “Njambi lika ikeye Tatetu, yetu tu vana vendi va vushunga.”

Yowano 8:50

Oloni yange kunjishaka kulyana kasingimiko embwe. Kwali umo ashaka, co ikeye akapwa lyaako.

Vilinga vya Miluwa 3:13

Njambi ya Avilahama na Isake na Yakomba, Njambi ya vakukulwila vetu, ikeye naana vumpau kuli Ngamba yendi Yesu. Oloni yeni mwamwanene kuli vaka-kushwana, co mwamuvyanene ku mesho a Pilato nameme Pilato te nayongola kumwecela.

2 Kolinte 10:18

Omwo munu vanamwakako omo Mwene namuyongwela vyavivwa ali ikeye, kesi ngwe omwo vavenya naliyongwela ikeye vavenya ngeci napu wamuvwa embwe.

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.

1 Petulu 1:21

Ali ikeye munakulaela kuli Njambi, uje wamusangwile ku vatsi nakumwana vumpau, ngeci kukulaela kweni na cinyangavili ceni munavyaka ali Njambi.

2 Petulu 1:17

Netu kutwakele omo vamwanene kasingimiko na vumpau kuli Ishe Njambi, omo lijwi lyezile kuli Ikeye lyakutunda kuli uje Mutwe wa Vumpau ngwalyo, “Ou ikeye Munange injazema, muli ikeye njilinakuvwaelela.”