Yowano 8:38 - Livulu lya Shukulu Kalunga

³⁸ Njendeka vije vyananjimwesa Tate, oloni yeni mulinga vije vyanamileka ishweni.”

Yowano 8:38 Iomraidhean Croise

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Yowano 14:10

Kuma kuukulaela Filipi ngeci yange njili muli Tate, co Tate ali muli yange ndi?” Yesu wendekele kuli vandongisi vendi ngwendi, “Majwi awa njinendeka kuli yeni kuwapwile a mu mbunge yange embwe. Tate wakala muli yange akapanga vipangi vyendi.

Yowano 14:24

Woshe uje kanjizeme kononoka vilongesa vyange. Co vilongesa vije vimunazivi kesi vyange oloni vitunda kuli Tate uje wanjitumine.

Yowano 17:8

Omwo njavanene muzimbu uje uwanjanene, co vanautambula, co vanazivuka ngeci mwa vushunga yange njatundile kuli yove, co vanakulaela ngeci yove wanjitumine.

Yowano 3:32

Alinakusimutwiya vije vyanamono, co na vije vyanazivi, oloni naumo wai atambula muzimbu wendi.

Yowano 5:19

Ngecivene, Yesu wavakumbulwile ngwendi, “Mwa vushunga njimileka ngwange, Mwana kasa kupanga cuma cimo endi lika, akalingi lika vije amona Ishe alinga. Omwo vije vyalinga Ishe, vikevyo lalo vyalinga Mwana.

Yowano 5:30

“Kunjasa kulinga cuma cimo na moko yange vavenya, Njikasompa lika muje mwanjileka Njambi, ngecivene, kusompa kwange kunapu kwa vushunga, omwo kunjesi kulinga vije vinjishaka embwe, oloni kuvanga vije lika vyashaka uje wanjitumine.

Yowano 8:26

Njili na vyavingi vyakwendeka ali yeni, vyavingi vyakumisompa navyo. Oloni uje wanjitumine ikeye muka-vushunga, co vyuma vije vinjazivile kuli ikeye vikevyo lika njendeka kuli vaka-kaye.”

Yowano 8:41

Yeni mulinakulinga vije vyalingile ishweni.” Vakumbulwile ngwavo, “Njambi lika ikeye Tatetu, yetu tu vana vendi va vushunga.”

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.