Yowano 8:28 - Livulu lya Shukulu Kalunga

²⁸ Ngecivene, Yesu wendekele kuli vakevo ngwendi, “Omo mukajundula Muna Munu, asinoni mukazivuka ngweni ‘Yange Ou Njapwa Munjapwa’, asinoni mukazivuka ngeci kunjasa kulinga cuma cimo na nzili yange vavenya, oloni njendeka lika vije vyanjilongesele Tate.

Yowano 8:28 Iomraidhean Croise

Kutuuka 3:14

Njambi wendekele kuli Mosesa ngwendi, “Yange Ou Njapwa Munjapwa. Omu mukemwo muukendeka navo ngwove, ‘Njapwa, ikeye nanjitumu kuli yeni.’ ”

Mateo 24:5

Omwo vanu vavangi vakaija mu lizina lyange vakendeka ngwavo, ‘Yange vene Wakuvwavesa!’ Co vakatangula vavangi.

Mako 13:6

Vavangi vakaija mu lizina lyange vakendeka ngwavo, ‘Yange vene ikeye!’ Vakatangula vavangi.

Luka 21:8

Yesu wendekele ngwendi, “Nyanyameni kesi vamikwise. Vanu vavangi vakaija mu lizina lyange nakwendeka ngwavo, ‘Yange vene ikeye!’ Co lalo ngwavo, ‘Simbu inete!’ Oloni kesi mukavakavangeye.

Yowano 11:42

Njinazivuka ngwange simbu yoshe ukanjizivi, oloni njendeka eci omwo mbunga eyi inemana kuno, vakulaele ngeci yove wanjitumine.”

Yowano 13:19

Njamilekela cimweja simbu kanda cuma eci cilingiwe, ngecivene, omo cilingiwa, mukakulaela ngweni, ‘Yange Ou Njapwa Munjapwa.’

Yowano 16:10

akavavayesa a vushunga omwo njilinakuya kuli Tate, co yeni kumukanjimono lalo,

Yowano 18:32

(Eci calingiwile ngwe majwi aje endekele Yesu akutumbula kutsa kuje akatsa apwe a vushunga.)

Yowano 19:18

Kuje vakamushukikile a cilindakano, co vashukikile lalo vanalume vavali, umo kusambwa imo mukwavo kusambwa ikwavo, co Yesu wakele mukati kavo.

Yowano 3:11

Mwa vushunga njikuleka ngwange, twendeka vije vituzivuka, co twambulula vukaleo vwa vije vitunamono, oloni yeni ku mutambula muzimbu wetu.

Yowano 3:14

Co ngwe Mosesa washukikile linyoka wa vunengu a manda mu mambo, ngecivene, mucifwa cimo vakashukika Muna Munu,

Yowano 4:26

Yesu wamukumbulwile ngwendi, “Yange vene ikeye, uje alinakwendeka nove.”

Yowano 5:19

Ngecivene, Yesu wavakumbulwile ngwendi, “Mwa vushunga njimileka ngwange, Mwana kasa kupanga cuma cimo endi lika, akalingi lika vije amona Ishe alinga. Omwo vije vyalinga Ishe, vikevyo lalo vyalinga Mwana.

Yowano 5:30

“Kunjasa kulinga cuma cimo na moko yange vavenya, Njikasompa lika muje mwanjileka Njambi, ngecivene, kusompa kwange kunapu kwa vushunga, omwo kunjesi kulinga vije vinjishaka embwe, oloni kuvanga vije lika vyashaka uje wanjitumine.

Yowano 6:38

omwo njatundile mwilu kesi kulinga cizango cange embwe, oloni kulinga cizango ca uje wanjitumine.

Yowano 8:24

Mukemwo njamilekele ngwange mukatsa mu vivi vyeni. Omwo mukatsa mu vivi vyeni nga kumukulaela ngweni ‘Yange Ou Njapwa Munjapwa.’ ”

Yowano 8:27

Kuvazivisisile ngeci Yesu wakele nakuvaleka vya ali Ishe.

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

Vilinga vya Miluwa 2:41

Vavangi vavo vakulaelele muzimbu wa Petulu, co vavambwitikile, ku litangwa lije vawezeleleleko vanu vakupwa 3,000 ku mbunga ya vaka-kukulaela.

Vilinga vya Miluwa 4:4

Oloni vavangi vaje vazivile lijwi vakulaelele, co vungi vwa vanalume vapwile 5,000.

Loma 1:4

ngwe ku vu Njambi vwendi vwakujela, vamumwesele na nzili yakama kupwa Muna Njambi omo vamusangwile ku vatsi.

Kwituluka mu Mashiko 18:18

Njikavatumina muka-kwimanena wakufwa ngwe yove wakutunda akati kavo vene. Co njikamuleka evi akendeka, co ikeye akaleka vanu vyuma vyoshe vinjikamushika.