Yowano 8:20 - Livulu lya Shukulu Kalunga

²⁰ Yesu wendekele vyoshe evi omo wakele nakulongesa mu Njuvo ya Shukulu Kalunga, mu mulili muje mwakele vikasa vyakulambwila milambu. Oloni naumo wai wamukwatele, omwo simbu yendi te kanda icete.

Yowano 8:20 Iomraidhean Croise

1 Mizimbu 9:26

Co vakulunu vaje vawana vapwile vaLevi, vakevo lalo vanyungile milili ya mu Njuvo ya Shukulu Kalunga, na vivala vije vyakelemo.

Mateo 26:55

Asinoni Yesu wendekele na mbunga ije ngwendi, “Kuma munaija na mikwale na vimbweti mukunjikwata ngwe lipwepwe ndi? Njatumbamene nakulongesa mu Njuvo ya Shukulu Kalunga matangwa oshe, co kumwanjikwatele.

Mateo 27:6

Oloni vakulunu va vaka-kukombelela vanonele vije vimbongo, vendekele ngwavo, “Evi vinapu vimbongo vya maninga, kucitava kuvyaka mu mbango ya mu Njuvo ya Shukulu Kalunga ngwe ku Mashiko etu.”

Mako 12:41

Co Yesu watumbamene kuyehi na Njuvo ya Shukulu Kalunga kuje kwakutambwila mulambu, wakele nakukengelela vanu omo vakele nakulambula vimbongo vyavo mu mbango. Vaka-kufuka vavangi vakele nakulambula vimbongo vyavingi,

Mako 12:43

Co Yesu wasanene vandongisi vendi voshe, wendekele kuli vakevo ngwendi, “Mwa vushunga njimileka ngwange ou fwile wa kautu nalambula vyavingi kutuvakana voshe.

Luka 20:19

Co valongisi va majwi a Lishiko na vakulunu va vaka-kukombelela vayongwele kukwata Yesu aje vene, omwo vazivukile ngwavo cisimo eci nacitela vakevo, oloni vatewele vanu.

Luka 21:1

Yesu wakengezekele, co wamwene vaka-kufuka valinakulambula vwana vwavo mu mbango ya mu Njuvo ya Shukulu Kalunga,

Yowano 10:39

Vashakele lalo kumukwata, oloni ikeye walavukile watundile mu mavoko avo.

Yowano 2:4

Co Yesu wamukumbulwile ngwendi, “Ove munakazi kuwapandele kunjileka vije njinapandele kulinga. Simbu yange kanda yete.”

Yowano 7:14

Ciwano cakele kuyehi nakuhwa omo Yesu waile ku Njuvo ya Shukulu Kalunga nakushangumuka kulongesa.

Yowano 7:30

Ngecivene, vashakele kumukwata, oloni naumo wai wakambekele livoko ali ikeye, omwo simbu yendi te kanda yete.

Yowano 7:44

Vamo vashakele kumukwata, oloni naumo wai wakambekele livoko ali ikeye.

Yowano 7:8

Yeni ku ciwano. Yange kunjiiko, omwo simbu yange kanda icete.”

Yowano 8:2

Alikaki mutondo-tondo waile ku Njuvo ya Shukulu Kalunga. Mbunga yoshe vamuzengelekele, co watumbamene asi, washangumukile kuvalongesa.

Yowano 8:59

Ngecivene, vanonele mamanya ngeci vamwashe, oloni Yesu walavukile, co watundile mu Njuvo ya Shukulu Kalunga.