Yowano 8:15 - Livulu lya Shukulu Kalunga

¹⁵ Yeni mukasompo vyuma mu ngila ya vunu, yange kunjesi kusompa munu.

Yowano 8:15 Iomraidhean Croise

Amose 5:7

Munanyongo, yeni vaka-kutengulula vushunga nakuvupwisa makuli, co mulyatangela vushunga!

Amose 6:12

Kuma tuvalu vakashatuka a mamanya ndi? Kuma vanu vakalimi a mema a kalunga na vingombe ndi? Ololo yeni munatengulula vushunga kuvupwisa vushungu, co munalingisa vuvwa kupwa kupenga-penga.

Hambakuke 1:4

Mashiko anapu akuzeya, co maako kuvesi kwakula vin̄anda mu ngila ya vushunga. Vaka-vuvi vanahyana vaka-vushunga mu vimbanja, co vushunga kuvwesi nakulingiwa.

Luka 12:14

Yesu wamukumbulwile ngwendi, “Musamba wange, iyajo nanjipwisa muka-kusompa nambe muka-kumipangela vufuko akati keni?”

Yowano 12:47

Woshe aziva muzimbu wange, co kawononoka, yange kunjikamusompo, omwo kunjezile mukusompa vaka-kaye embwe, oloni mukuvovola.

Yowano 18:36

Yesu wakumbulwile ngwendi, “Vumwene vwange kesi vwa ano a kaye embwe, nga vumwene vwange vwapwile vwa ano a kaye, nga vandongisi vange vanalu kutewa vanjana kuli vaka-kushwana va vaYunda. Oloni vumwene vwange kesi vwa ano a kaye!”

Yowano 3:17

Omwo Njambi katumine Munendi ano a kaye nakuhisa vaka-kaye embwe, oloni apwe Muyoyesi wavo.

Yowano 7:24

Kesi musompele vulemu, oloni sompeni mu vushunga.”

Yowano 8:11

Wamukumbulwile ngwendi, “Naumo wai, Mwene.” Yesu wendekele ngwendi, “Mwamuvwa, nange lalo kunjasa kukuhisa. Ya, oloni kesi ukalinge lalo vuvi.”]

Loma 2:1

Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

1 Kolinte 2:15

Woshe uje ali na Munzinzime asa kuseteka seo ya vyuma vyoshe, oloni naumo wai asa kumuhisa.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

Yakomba 2:4

co muli na mulonga wa kaangu akati keni nakusompa mu ngila ya viyongola vyavivi.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”