Yowano 8:12 - Livulu lya Shukulu Kalunga

¹² Yesu wendekele lalo kuli vaFaliseo ngwendi, “Yange ceke ca vaka-kaye. Woshe anjikava akakala na ceke ca mwonyo, co kakende lalo mu lisusulungu.”

Yowano 8:12 Iomraidhean Croise

Yombi 33:28

Ikeye wanjikulile ngeci kesi njiye ku lifuti lya vatsi, co na simbu ino njicili nakuyoya.’

Myaso 18:28

Yove Shukulu Kalunga wapwa ceke, tundisa lisusulungu lyange.

Myaso 49:19

ikeye akaliwana na vakukulwila vendi voshe ku vatsi, kuje kuli lisusulungu lya ku myaka yoshe.

Myaso 97:11

Ceke citwila ali vaka-vushunga, nakujolela kukaija ali vaka-kushungama mu vimbunge.

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Isaya 9:2

Vanu vaje vendele mu lisusulungu vanamono ceke cakuvyazima manene. Vanu vaje vakele mu lifuti lya munzinze wa kutsa, ololo ceke cinavatwila.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 5:14

“Yeni munapu ngwe ceke ca vaka-kaye. Nganda yakutungila a munkinda kuyasa kuvanda embwe.

Luka 2:32

ceke cakujombolola cizango cove kuli ava kesi vaYunda, nakunena vumpau kuli vanu vove va Isalele.”

Yowano 12:35

Yesu wakumbulwile ngwendi, “Ceke cikakala akati keni kasimbu lika kakandondo. Endeni omo muli na ceke, ngeci lisusulungu kesi likamifwike, omwo uje enda mu lisusulungu kazivuka kuje alinakuya.

Yowano 12:36

Omo muli na ceke kulaeleni mu ceke, ngeci mupwe vanu va ceke.” Omo Yesu wamanesele kwendeka evi, waile wavandele kwendi lika.

Yowano 12:46

Yange njinaija ano a kaye kupwa ceke, ngeci woshe akulaela kuli yange kesi akale mu lisusulungu.

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 3:19

Co omu mukemwo mucikapanga cihiso, ceke cinaija ano a kaye, oloni vanu vazema lisusulungu kutuvakana ceke, omwo vilinga vyavo vyapwa vyavivi.

Yowano 7:17

Woshe ashaka kulinga vije vyashaka Njambi akazivuka nga evi njilinakulongesa vitunda kuli Njambi nambe nga njilinakwendeka na moko yange.

Yowano 9:5

Omo njili ano a kaye njinapu ceke ca vaka-kaye.”

Vilinga vya Miluwa 13:47

Omwo eli likelyo lishiko lyanatwana Mwene ngwendi, ‘Njinamipwisa ceke kuli vaje kesi vaYunda, ngeci vaka-kaye voshe vovoke.’ ”

Vilinga vya Miluwa 26:23

ngwavo Wakuvwavesa napande kuyanda nakupwa umo wakulivanga kusanguka ku vatsi nakwambulula ceke cakwovoka kuli vaYunda na kuli vaje kesi vaYunda.”

2 Petulu 2:17

Vanu ava vanapu ngwe masima atuvwelu-vwelu akuma, ngwe mashelwa akupekumuka na lihunzi lyakama, Njambi navavwaesela mwela mu lisusulungu lyakuzivala vwii.

2 Petulu 2:4

Omwo Njambi katetelele tungelo vaje valingile vuvi, oloni wavombilile mu mbulu ya tuhya muje vanavakutiiya mu malyenge mu lisusulungu, nakuvandamena Litangwa Lyakusompa.

1 Yowano 1:6

Ngecivene, nga twendeka ngwetu tuli na kulitombola muli ikeye, oloni a simbu imolika tulinakuyoya mu lisusulungu, tulinakwendeka makuli mu majwi etu na mu vilinga vyetu.

Yunda 1:13

Vanafu ngwe mankimba a mema a kalunga, co vilinga vyavo vya shwamwa vilinakusholoka ngwe lifulu lya a mema. Vanafu ngwe vingongonosi yakwendangana ngoco, vaje Njambi navatulikila mwela mu lisusulungu lyakuzivala vwii muje vakakala myaka yoshe.

Yunda 1:6

Anukeni tungelo vaje kuvanyungile myela yavo na moko yavo, oloni vasezele mwela wavo, vanavakutiiya na malyenge a myaka yoshe mu lisusulungu lya kwisi, kuje kwanavanyungila Njasmbi noo ku Litangwa lije lyakama omo vakavahisa.

Kujombolola 21:24

Miyati ya vanu voshe va mu kaye vakenda mu ceke camwo, co vimyene va ano asi vakanenamo vufuko vwavo.