Yowano 7:6 - Livulu lya Shukulu Kalunga

⁶ Yesu wendekele kuli vakevo ngwendi, “Simbu yange kanda icete. Oloni kuli yeni simbu yoshe inapu yaivwa.

Yowano 7:6 Iomraidhean Croise

Myaso 102:13

Kala na mema ku mbunge na Siyone, omwo simbu inete yakumutetela, ino ikeyo vene simbu yaivwa!

Mateo 26:18

Wavalekele ngwendi, “Yeni ku munu umo mu nganda, co mukamuleka ngweni, ‘Mulongisi nendeka ngwendi, simbu yange inete, njikalingila Ciwano ca Pasovala mu njuvo yove amo na vandongisi vange.’ ”

Yowano 13:1

Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Yowano 2:4

Co Yesu wamukumbulwile ngwendi, “Ove munakazi kuwapandele kunjileka vije njinapandele kulinga. Simbu yange kanda yete.”

Yowano 7:30

Ngecivene, vashakele kumukwata, oloni naumo wai wakambekele livoko ali ikeye, omwo simbu yendi te kanda yete.

Yowano 7:8

Yeni ku ciwano. Yange kunjiiko, omwo simbu yange kanda icete.”

Yowano 8:20

Yesu wendekele vyoshe evi omo wakele nakulongesa mu Njuvo ya Shukulu Kalunga, mu mulili muje mwakele vikasa vyakulambwila milambu. Oloni naumo wai wamukwatele, omwo simbu yendi te kanda icete.

Vilinga vya Miluwa 1:7

Yesu wendekele kuli vakevo ngwendi, “Kesi kuli yeni kuzivuka visimbu na myaka vije vyanavwaesa ku moko ya Tate vavenya.