Yowano 7:32 - Livulu lya Shukulu Kalunga

³² VaFaliseo vazivile mbunga ije vakele nakungunguta ali Yesu a vyuma evi, ngecivene, vakevo na vakulunu va vaka-kukombelela vatumine vamo vaka-kunyunga ngeci vakakwate Yesu.

Yowano 7:32 Iomraidhean Croise

Mateo 12:14

Oloni vaFaliseo vatuukilemo, co vatumbile vutumbe vwakutsiya Yesu.

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Mateo 26:58

Oloni Petulu wamukavele alyala kamandondo, noo vetele ku cipango ca njuvo ya Muka-kukombelela Wakama. Co wakovelele mukati, watumbamene amo na vaka-kunyunga, ngeci amone muvihwila vyuma vyoshe.

Yowano 11:46

Oloni vamo vavo velukile kuli vaFaliseo vavalekele vije vyalingile Yesu.

Yowano 12:19

VaFaliseo valyendekesele akati kavo ngwavo, “Kengeni, matumbe etu kuwesi nakuya kulutwe embwe! Kengeni, kaye koshe valinakumukava!”

Yowano 18:3

Ngecivene, Yundasa waile ku citungu cije, waile amo na mashwalale va vaLoma na vamo vaka-kunyunga Njuvo ya Shukulu Kalunga vaje vavatumine kuli vakulunu va vaka-kukombelela amo na vaFaliseo, vakele na vitwa vezile na vindeya na mitetango ya tuhya.

Yowano 7:30

Ngecivene, vashakele kumukwata, oloni naumo wai wakambekele livoko ali ikeye, omwo simbu yendi te kanda yete.

Vilinga vya Miluwa 5:26

Ngecivene, uje mukulunu wa vaka-kunyunga Njuvo ya Shukulu Kalunga waile na vanu vendi wakashakele miluwa. Kuvakapangesele nzili omwo vazivile lyova ngwavo amo vanu vavasha mamanya.

1 Samwele 19:20

Ngecivene, watumineko vamo vanalume vakamukwate. Co vamwene mbunga ya vaka-kwimanena valinakwambulula vuka-kwimanena, amo na Samwele ntwama yavo. Co Munzinzime wa Njambi wakovelele muli vanu va Saulu, co na vakevo lalo vashangumukile kwambulula vuka-kwimanena.