Yowano 7:3 - Livulu lya Shukulu Kalunga

³ ngecivene, vandolome va Yesu vendekele kuli ikeye ngwavo, “Tunda kuno uye ku Yundeya, ngeci vandongisi vove vakamone vikomokeso vije ulinakulinga.

Yowano 7:3 Iomraidhean Croise

Kushangumuka 37:20

Tulivwaeseni tumutsiye tumumbile mu mbulu. Co twasa kukendeka ngwetu cikashama namukwata. Asinoni tukamone oni vinjozi vyendi indi vikapanga vika.”

Njelemiya 12:6

Nameme naanga yove vanakutengulukila, vanalipandakana na vaje vaka-kukulwisa. Kesi uvakulaele embwe, nameme vendeka majwi akuseveleka.”

Mateo 12:46

Omo wacikele nakwendeka na vimbunga vya vanu, kengeni vaina na vandolome vendi vemanene anja, vehwile ngwavo vendeke nendi.

Mako 3:21

Co omo naanga yendi vazivile a vyuma evi, vaile nakumusetela, omwo vanu vakele nakwendeka ngwavo, “Nazaluka!”

Mako 3:31

Asinoni vaina ya Yesu na vandolome vendi vezile. Co vemanene anja, co vatumine lijwi nakumusana.

Luka 8:19

Vaina ya Yesu na vandolome vendi vezile kuli ikeye, oloni kuvasele kushwenya kuli ikeye omwo mbunga.

Luka 8:20

Munu umo wendekele kuli Yesu ngwendi, “Vanyoko na vandolome vove vanemana anja, vashaka kukumona.”

Yowano 2:2

co Yesu amo na vandongisi vendi navo lalo vavalanyele ku ciwano cije.

Yowano 6:60

Vandongisi vendi vavangi omo vazivile evi vendekele ngwavo, “Vilongesa evi vinapu vyavikalu. Iyajo asa kuvitolilila?”

Yowano 6:66

Omwo a cuma eci, vandongisi va Yesu vavangi velukile munima kuvashakele kuya lalo nendi.

Yowano 7:10

Oloni omo vandolome vendi vanai laja ku ciwano, asinoni Yesu lalo waile, kaile citona-mesho, oloni waile mu vushweke.

Yowano 7:4

Omwo naumo wai ashweka vije vyalinga nga ashaka kutsimana. Nga ulinakulinga vyuma evi, lisholole ku vanu mu kaye koshe ngeci vakuzivuke!”

Yowano 7:5

(Omwo nameme vandolome vendi kuvamukulaelele.)

Vilinga vya Miluwa 2:14

Oloni Petulu wemanene na vakwavo miluwa likumi na umo wendekele na lijwi lyakama ku mbunga ije ngwendi, “Eni vakwetu vaYunda neni voshe mwakala mu Yelusalema, njitolilileni ngeci njimileke mucinalumbunukila cuma eci.

1 Samwele 17:28

Elyave, ndolome ya Ndaviti wa ntwatwa, wazivileko omo Ndaviti wendekele na vanalume vaje, co waluvalele na Ndaviti wendekele ngwendi, “Vikajo ulinga kuno? Iyajo alinakunyunga vimanga vove mu mambo? Njizivuka kulyalesa kwove, na vuuka vwove, unaija kuno ngeci umone nzita!”