Yowano 7:29 - Livulu lya Shukulu Kalunga

²⁹ oloni yange njimuzivuka, omwo njatunda kuli ikeye, co ikeye wanjitumine.”

Yowano 7:29 Iomraidhean Croise

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 10:15

Ngwe amo Tate anjizivuka, co nange lalo njizivuka Tate, mu ngila imo vene njizivuka vimanga vange navo lalo vanjizivuka. Co njitula mwonyo wange omwo vimanga vange.

Yowano 13:3

Yesu wazivukile ngeci Ishe namwana nzili yoshe, co wazivukile ngeci watunda kuli Njambi, co alinakuya kuli Njambi.

Yowano 17:18

Njavatumine ano a kaye, ngwe omo yove wanjitumine ano a kaye.

Yowano 6:46

Eci kucalumbunukile ngeci umo wamona Tate, kuvanga lika uje watunda kuli Njambi ikeye wamona Tate.

Yowano 8:55

Oloni yeni kumwamuzivukile, yange njimuzivuka. Nga njendeka ngwange kunjimuzivuka, co njipwa nji muka-makuli ngwe yeni. Oloni yange njimuzivuka, co njinonoka lijwi lyendi.

1 Yowano 1:2

Omo mwonyo ou washolokele, twaumwene, ngecivene, tulinakuwendeka nakumileka vya mwonyo wa myaka yoshe uje wakele amo na Tate, co vatushololwelewo.

1 Yowano 4:14

Co tunamono nakuleka veka ngwetu Tate natumu Munendi kupwa Muyoyesi wa vaka-kaye.

1 Yowano 4:9

Co Njambi nasholola cizemo cendi kuli yetu omwo watumine Munendi umolika mu kaye ngeci tukale na mwonyo muli ikeye.