Yowano 6:9 - Livulu lya Shukulu Kalunga

⁹ “Kwali umo mwanike ali na mikasha itanu ya makende a vunga vwa mbale ya maumwa na visi vavali. Oloni kuvyasa kupwamo kuli vanu voshe ava.”

Yowano 6:9 Iomraidhean Croise

1 Vimyene 4:28

Nguvulu na nguvulu lalo wakele nakwana litambelo lyendi lya mbale ya maumwa na mwila ku tuvalu va matemba na tuvalu vakwavo kuje vyashakiwile.

2 Vimyene 7:1

Elisha wamukumbulwile ngwendi, “Tolilila vyanendeka Shukulu Kalunga! Imene a simbu ino vene mu Samaliya ukasa kulanda makilo atatu a vunga vwa tiliku vwakuseneta, nambe makilo atanu na imo a mbale ya maumwa na livundungulu limo lya siliva.”

Myaso 147:14

Ikeye aana kwoloka kuluu ku vinginga vyove, nakukwana tiliku yaivwa ngeci ulye.

Myaso 78:19

Vayeluwisile Njambi nakwendeka ngwavo, “Kuma Njambi asa kutuwanena vyakulya mu mambo ndi?

Myaso 78:41

Vatengulukile lalo nakweseka Njambi, co vashangumwine Njambi Wakujela wa Isalele.

Myaso 81:16

oloni njikamilisa makende amavwa, nakumikutisa mwamuvwa na vuki vwa mu limanya.”

Ezekiyele 27:17

Yunda na Isalele valandakanene vufuko vwove na tiliku, na vuki, na mazi a olive, na n̄undu.

Mateo 14:17

Vakevo vendekele nendi ngwavo, “Kutwesi na vyakulya vyeka kuno, kuvanga mikasha ya makende itanu na visi vavali.”

Mateo 16:9

Kuma naololo kanda muzivuke ndi? Kuma yeni kumwasa kwanuka muje njapazwile mikasha ya makende itanu kuli vaje vanu 5,000 ndi? Mitonga ya vimbazuvwila ingai mwashulisile?

Mako 6:38

Co Yesu wavehwile ngwendi, “Muli na makende angai? Yeni mukaamone.” Omo vakaawanene, co vamulekele ngwavo, “Mikasha ya makende itanu na visi vavali.”

Mako 8:19

muje njapazwile mikasha ya makende itanu ali vaje vanu 5,000 ndi? Mitonga ya vimbazuvwila ingai mwashulisile a vije vyasaleleo?” Co vamukumbulwile ngwavo, “Likumi na ivali.”

Luka 9:13

Oloni Yesu wendekele kuli vakevo ngwendi, “Yeni vene vaaneni vyakulya ngeci valye.” Co vamukumbulwile ngwavo, “Kutwesi na vyakulya vyeka kuvanga mikasha ya makende itanu na visi vavali. Kuma yove ushaka tuye nakulanda vyakulya vya mbunga yoshe eyi ndi?”

Yowano 11:21

Mata wendekele kuli Yesu ngwendi, “Mwene, nga unakele kuno, ndolome yange nga katsile!

Yowano 11:32

Asinoni Maliya wetele kuje kwakele Yesu, co aje vene omo wamumwene, wawililile ku mendi endi wendekele ngwendi, “Mwene, nga unakele kuno, ndolome yange nga katsile!”

Yowano 21:10

Asinoni Yesu wendekele kuli vakevo ngwendi, “Neneni visi vamo vamunakwata.”

Yowano 21:13

Ngecivene, Yesu wezile, wanonele likende wavanene, co walingile ngeci lalo na ku visi.

Yowano 21:9

Omo vetele ku nunda, vamwene manungu alinakwenyuka, co akele visi na likende.

Yowano 6:11

Yesu watambwile ije mikasha ya makende, co wakandelelele kuli Njambi, co wapangezelele vanu vaje vatumbamene kuje asi. Ngecivene, walingile cuma cimo na ku visi lalo, co voshe valile vakutile.

Yowano 6:7

Filipu wamukumbulwile ngwendi, “Vimbongo vya siliva vyakupwa 200 kuvyasa kupwisamo kulanda makende ngeci munu na munu atambule nameme kalikende kakandondo.”

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.

Kwituluka mu Mashiko 32:14

Vingombe na vimembe vavo vakele na mavele amangi, co vakele na vana va vimanga, na majamba a vimanga vakununa, na matanga amavwa a vingombe, na vimembe va ku Mbashane, na tiliku yaivwa, na vinyu vyakutovala manene.

Kwituluka mu Mashiko 8:8

Likelyo lifuti lya tiliku na mbale ya maumwa, na mikolovozi ya vushuka vwa vinyu, na mikuyu, na mapomingilanete, na miti ya olive, na vuki.

Kujombolola 6:6

Co njazivile lijwi litunda mukati ka vaje vikashama vawana vakuyoya ngwalyo, “Lita ya tiliku inapu ngwe fweto ya litangwa lyoshe lyamutunu, co lalo malita atatu a mbale ya maumwa anapu fweto ya litangwa lyoshe lyamutunu. Oloni kesi uviise mazi a olive na mikolovozi ya vushuka vya vinyu!”