Yowano 6:63 - Livulu lya Shukulu Kalunga

⁶³ Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Yowano 6:63 Iomraidhean Croise

Kushangumuka 2:7

Asinoni Shukulu Kalunga Njambi watapwile livu asi, co likelyo wamungile munu, wahwimininine muku wa mwonyo mu majulu endi, co munu wakele na mwonyo.

Myaso 119:130

Kununguluka kwa vilongesa vyove kwana ceke, kwana mana kuli vaje kuvazivuka.

Myaso 119:50

Njiwana kuzembeleka nameme njili mu tuyando, omwo cikulaeso cove canjanene mwonyo.

Myaso 119:93

Kunjikevala mashiko ove embwe, omwo yove unanjana mwonyo akuwakavangeya.

Visimo 4:13

Kwatelela kunangula, kesi wecele! Cinyunge, cikeco mwonyo wove.

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Yowano 6:68

Simoni Petulu wamukumbulwile ngwendi, “Mwene, tuya kuli iyajo lalo? Yove uli na majwi aje aana mwonyo wa myaka yoshe.

Vilinga vya Miluwa 5:20

“Yeni mukemane mu Njuvo ya Shukulu Kalunga, co mukaleke vanu vyoshe vya mwonyo ou wauha.”

Loma 10:17

Ngecivene, kukulaela kutunda akuziva, co kuziva kutunda akwambulula Kilistu.

Loma 2:25

Nga mwononoka Lishiko lya Njambi, kutuuka kweni kuli na seo, oloni nga kumwononoka Lishiko, mwamuvwa nga kumwatuukile.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

Ngalatiya 5:25

Munzinzime natwana mwonyo, co napande lalo kunyunga myonyo yetu.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Ngalatiya 6:15

Kukwesi mulonga wai nameme kutuuka nambe kujeneka kutuuka, oloni cije cikwasa cinapu kupwa wakutanga kwakuhwa.

Kwituluka mu Mashiko 32:47

Vilongesa evi kesi majwi angoco aje kuwesi na seo embwe. Vikevyo vene vinapu kuyoya kweni. Vyononokeni, co mukayoya simbu yakama mu lifuti lije lili musambwa ya Ndonga ya Yondau, lije muli kuyehi nakulishwana.”

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

VaHevelu 13:9

Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.

VaHevelu 4:12

Lijwi lya Njambi lilinakuyoya nakupanga, lyavambuka kuhyana moko ya mukwale ya vuvela kuvali. Lishalava mwoshe muje mukaliwanena mwonyo na munzinzime, na muje mukaliwanena manunga na vusoso. Likelyo liilula viyongola na vizango vya vimbunge vya vanu.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

1 Petulu 1:23

Omwo a lijwi lya Njambi lyakuyoya lije lya myaka yoshe munasemuka luvali ngwe vana va cisemi uje muka-kuyoya simbu yoshe, kesi uje asa kutsa.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Petulu 3:21

aje apwile cimweso cakwinika kumbwitika, cije ololo cinamyovola. Kesi kukusha mazilo a muvila embwe, oloni cikulaeso cakulomba kuli Njambi cakutunda ku citaku-taku cacivwa. Cinamyovola akusanguka kwa Yesu Kilistu,