Yowano 6:53 - Livulu lya Shukulu Kalunga

⁵³ Ngecivene,Yesu wendekele kuli vakevo ngwendi, “Mwa vushunga njimileka ngwange, nga kumuli muvila wa Muna Munu nakunwa maninga endi, kumukakala na mwonyo.

Yowano 6:53 Iomraidhean Croise

Mateo 18:3

co wendekele kuli vakevo ngwendi, “Mwa vushunga njimileka ngwange, kuvanga mutenguluke nakupwa ngwe vanike vavandondo, kumukakovela mu Vumwene vwa mwilu.

Mateo 5:18

Mwa vushunga njimileka ngwange, kuvanga lilu na asi vineti, oloni ku majwi a Lishiko kukukatundu kalilaka kamo, nambe kakandondo, kuvanga vyoshe vanavishulisa.

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

Luka 13:3

Njimileka ngwange, embwe! Oloni kuvanga mutenguluke, nga ngoconi mukanyonga ngwe vakevo lalo.

Luka 13:5

Njimileka ngwange, embwe! Oloni kuvanga mutenguluke, nga ngoconi mukanyonga ngwe vakevo lalo.”

Yowano 13:8

Petulu wendekele na nzili ngwendi, “Kuujwelesa ku mendi ange embwe!” Yesu wakumbulwile ngwendi, “Nga kunjijwelesa ku mendi ove, kuwasa kupwa lalo ndongisi yange.”

Yowano 15:4

Kaleni muli yange, co nange njikakala muli yeni. Ngwe munango kuwasa kwima vushuka awolika, kuvanga lika nga ukala a mukolovozi. Mu ngila eyi vene neni kumwasa kwima vushuka kuvanga mukale muli yange.

Yowano 3:3

Yesu wamukumbulwile ngwendi, “Mwa vushunga njikuleka ngwange, naumo wai asa kumona Vumwene vwa Njambi kuvanga asemuke luvali.”

Yowano 3:36

Woshe akulaela kuli Mwana ali na mwonyo wa myaka yoshe, woshe avyana Mwana kakala na mwonyo, oloni vukalu vukala ali ikeye.

Yowano 3:5

Yesu wamumbulwile ngwendi, “Mwa vushunga njikuleka ngwange, naumo wai asa kukovela mu Vumwene vwa Njambi kuvanga asemuke ku mema na ku Munzinzime Wakujela.

Yowano 6:47

Mwa vushunga njimileka ngwange, uje akulaela ali na mwonyo wa myaka yoshe.

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

Yowano 6:55

Omwo muvila wange ukewo vyakulya vya vushunga, maninga ange akewo vyakunwa vya vushunga.

Yowano 6:62

Asinoni vatijo nga mumona Muna Munu eluka ku mutambela kuje kwakele laja?

1 Yowano 5:12

Woshe uje ali na Mwana ali na mwonyo ou, woshe uje kesi na Muna Njambi kesi na mwonyo ou.

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.

Kujombolola 2:7

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana moko yakulya ku vushuka vwa muti wa mwonyo uje uli mu Lihya lya Njambi.