Yowano 6:45 - Livulu lya Shukulu Kalunga

⁴⁵ Vaka-kwimanena vasonekele ngwavo, ‘Voshe Njambi akavalongesa.’ Woshe aziva Tate nakulilongesa kuli ikeye aija kuli yange.

Yowano 6:45 Iomraidhean Croise

Isaya 2:3

Vanu vavangi vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Yakomba, akatulongese vije ashaka ngeci tuvilinge, ngeci twende mu vingila vyendi. Omwo vilongesa vya Shukulu Kalunga vitundilila ku Yelusalema, Shukulu Kalunga akendeka ku vanu vendi kutundilila ku Siyone.”

Isaya 54:13

“Yange vene njikalongesa vanu vove, nakuvavezikisa na kwoloka.

Mika 4:2

co vanu vawo vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Isalele. Omwo akatulongesa vije vyashaka ngeci tuvilinge, tukenda mu vitapalo vyanaangula. Omwo vilongesa vya Shukulu Kalunga vitundilila mu Yelusalema, akendeka ku vanu vendi kutundilila mu Siyone.”

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mako 1:2

Ngwe mwasonekele Isaya muka-kwimanena ngwendi, “Njambi nendeka ngwendi, ‘Kengeni njikatuma muluwa wange kulutwe lwove uje akavwaesa ngila yove.’

Luka 1:70

Wakulaesele laja muli vaka-kwimanena vendi vakujela

Luka 18:31

Yesu watwalele vandongisi vendi likumi na vavali kwavo lika, co wendekele kuli vakevo ngwendi, “Tolilileni! Tulinakuya ku Yelusalema kuje vyuma vyoshe vije vivasonekele kuli vaka-kwimanena vya ali Muna Munu ngeci vikalingiwe.

Yowano 10:27

Vimanga vange vaziva lijwi lyange, co nange njivazivuka, co vanjikava.

Yowano 6:37

Woshe uje yananjana Tate aija kuli yange. Co woshe uje aija kuli yange kunjikamusheke,

Yowano 6:65

Co wendekele lalo ngwendi, “Omu mukemwo njamilekele ngwange naumo wai aija kuli yange kuvanga Tate amutave.”

Vilinga vya Miluwa 13:40

Nyanyameni ngeci vije vivendekele vaka-kwimanena kesi vilingiwe kuli yeni.

Vilinga vya Miluwa 7:42

Oloni Njambi wavakengesele nima, co wavecelele ngeci valemese vingongonosi vya mwilu, ngwe muvanasoneka mu livulu lya vaka-kwimanena ngwavo, ‘Vanu va Isalele! Kesi kuli yange mwatsiilile nakukombelela tusitu a myaka makumi awana mu mambo, embwe.

Efeso 1:17

nakwihula Njambi ya Mwene yetu Yesu Kilistu, Ishe ya vumpau, amyane munzinzime wa mana nakusholola Njambi kuli yeni, ngeci mumuzivuke.

Filipu 3:15

Yetu voshe tunakolo mu vyuma vya munzinzime tunapande kukala na mbunge yangacije. Oloni nga vamo veni vali na cifwa ca muyati weka, Njambi akasholola mwamuvwa cuma eci kuli yeni.

1 Tesalonika 4:9

Kutwapandele kumisonekela a cizemo kuli umo na mukwavo. Omwo yeni vavenya Njambi wamilongesele vati munapande kulizema umo na mukwavo.

VaHevelu 10:16

“Eci cikeco cikumiiyo cinjikalinga amo navo ku matangwa a kulutwe. Njikaka mashiko ange mu vimbunge vyavo nakuwasoneka mu viyongola vyavo.”

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.