Yowano 6:44 - Livulu lya Shukulu Kalunga

⁴⁴ Naumo wai aija kuli yange kuvanga Tate uje wanjitumine amunene kuli yange, co njikamusangwila ku mwonyo a litangwa lyakukotoka.

Yowano 6:44 Iomraidhean Croise

Myaso ya Solomoni 1:4

Njiye amo nove, tushatuke lumbisi, pwa mwene yange, co njikovelese mu milili yove. Tuvwaelela nakujolela muli yove, tukashangazala cizemo cove kutuvakana vinyu. Kucikomokesa omwo vambanda voshe vakuzema.

Njelemiya 13:23

Munu asa kutengulula cikonde cendi, nambe ingwe kutengulula mavala endi ndi? Nga ngoconi, amo mwasa kutenguluka, nakulilongesa kulinga vyuma vyavivwa.

Njelemiya 31:3

njasholokele kuli vakevo alyala. Vanu va Isalele, simbu yoshe njamizema, ngecivene, simbu yoshe njikamwesa cizemo cange cije kucesi kutenguluka.

Hoziya 11:4

Njavashwenyesele kuli yange na cizemo cange. Njavajundwile nakuvaka a nulo yange, njakulamene nakuvalisa.

Mateo 12:34

Yeni muyati wa mambwambwa, vatijo mwasa kwendeka vyuma vyavivwa kuma yeni mwapwa mu vaka-vivi? Omwo kanwa kakendeka vije vyashula mu mbunge.

Mateo 16:17

Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu.

Yowano 12:32

Co omo vakanjijundula kunjitundisa ano asi, njikakokela vanu voshe kuli yange.”

Yowano 5:44

Mwashaka ngeci vamishangazale, oloni kumushaka Njambi ngeci amishangazale, cooni mwasa kunjikulaela vatijo?

Yowano 6:43

Yesu wavakumbulwile ngwendi, “Kesi mungungute akati keni.

Yowano 6:45

Vaka-kwimanena vasonekele ngwavo, ‘Voshe Njambi akavalongesa.’ Woshe aziva Tate nakulilongesa kuli ikeye aija kuli yange.

Yowano 6:65

Co wendekele lalo ngwendi, “Omu mukemwo njamilekele ngwange naumo wai aija kuli yange kuvanga Tate amutave.”

Yowano 8:43

Omwo vikajo kumuzivisisa vije njendeka? Kumushaka kutolilila ku majwi ange.

Filipu 1:29

Omwo vanamyana vwana vwakupangela Kilistu, kesi lika akumukulaela, oloni nakumuyandela lalo.

Kolose 2:12

Omo vamimbwitikile, vamitsindile amo na Kilistu, co akumimbwitika lalo vamisangwile amo na Kilistu akukulaela kweni ku nzili ya vipangi vya Njambi, uje wamusangwile ku kutsa.