Yowano 6:32 - Livulu lya Shukulu Kalunga

³² Yesu wendekele kuli vakevo ngwendi, “Mwa vushunga njimileka ngwange, Mosesa kamyanene makende akutunda kwilu, Tate ikeye amyana likende lya vushunga lyakutunda kwilu.

Yowano 6:32 Iomraidhean Croise

Myaso 78:23

Oloni washikile mashelwa mwilu, co waashokolwele ngwe mapito.

Kutuuka 16:4

Asinoni Shukulu Kalunga wendekele kuli Mosesa ngwendi, “Ololo yeni voshe njikamyana vyakulya vyakutunda mwilu vije vikanyoka ngwe nyonzi. Co vanu vakatuukila anja a litangwa na litangwa nakunona vyakulya vyakupwa a litangwa lije vene. Mu ngila eyi vene njilinakuveseka njimone nga vasa kukava mashiko ange nambe embwe.

Kutuuka 16:8

Asinoni Mosesa wendekele ngwendi, “Ikeye Shukulu Kalunga akamyana situ imukalya ku cingwezi na makende amangi ku simbu ya mutondo, omwo ikeye nazivi kutatoka kweni mulinakumutatwesa. Omo yeni mulinyenga nakututatwesa, kumutatwesa yetu embwe, oloni mulinakulinyenga nakutatwesa Shukulu Kalunga.”

Yowano 1:9

Eci cikeco capwile ceke ca vushunga, ceke cije cilinakwija mu kaye nakutwila ali vanu voshe.

Yowano 15:1

“Yange mukolovozi wa vushunga wa vushuka vwa vinyu, co Tate ikeye ndimi.

Yowano 6:31

Vakukulwila vetu valile maana mu mambo, ngwe muvinendeka visoneka ngwavyo, ‘Wavanene makende akutunda mwilu ngeci valye.’ ”

Yowano 6:33

Omwo likende lije lyaana Njambi linapu uje atunda mwilu, co ana mwonyo kuli vaka-kaye.”

Yowano 6:35

Yesu wavalekele ngwendi, “Yange likende lya mwonyo. Uje aija kuli yange kakakala lalo na njala, co uje akulaela kuli yange kakazivi lalo lihwila.

Yowano 6:41

VaYunda vashangumukile kungunguta, omwo wendekele ngwendi, “Yange likende lije lyatundile mwilu.”

Yowano 6:50

Oloni likende lije litunda mwilu linapu ngeci woshe uje alyako kakatsi embwe.

Yowano 6:55

Omwo muvila wange ukewo vyakulya vya vushunga, maninga ange akewo vyakunwa vya vushunga.

Yowano 6:58

Eli likelyo likende lije lyatundile mwilu, kesi ngwe likende lije valile vakukulwila veni, co vatsile embwe. Uje alya likende eli akayoya myaka yoshe.”

Ngalatiya 4:4

Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.