Yowano 6:27 - Livulu lya Shukulu Kalunga

²⁷ Kesi mupangele vyakulya vije vikavola, oloni pangeleni vyakulya vya mwonyo wa myaka yoshe. Evi vikevyo vyakulya vije vyakamyana Muna Munu, omwo Njambi, Ishe, namwaka cimweso cakumutava.”

Yowano 6:27 Iomraidhean Croise

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Myaso 40:7

co njakumbulwile ngwange, “Yange uno, kulikundika kwange kuli yove vanacisoneka mu livulu lyove.

Visimo 9:5

“Ijeni mulye ku vyakulya vyange nakunwa ku vinyu vinjinatsingasana.

Muka-kwambulula 6:7

Vipangi vyoshe vyakapanga munu akapangela kulya, oloni lishungu lyakulya kulyesi kuhwa.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Hambakuke 2:13

Miyati ya vanu vaje mwafungulwile valipakesele ngoco vipangi vyakujeneka seo, co vyoshe vije vivatungile vinenye na tuhya. Shukulu Kalunga Muka-nzili yoshe ikeye walingile vyuma evi.

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Mateo 6:19

“Kesi mulitulikile vufuko vwa ano asi, aje ali tunembulu na n̄alawe vikakuvuviisa, co ali na vezi lalo vatuva nakuvwiva.

Mateo 8:20

Yesu wamukumbulwile ngwendi, “Vimbanje vali na mena, co lalo tuzila vali na mashwa, oloni Muna Munu kesi naa akusatela mutwe wendi.”

Mako 1:11

Co mwilu mwatundile lijwi ngwalyo, “Yove u Munange injazema. Njilinakuvwaelela ali yove.”

Mako 9:7

Asinoni lishelwa lyezile nakuvafwika, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, mutolilileni!”

Luka 3:22

co Munzinzime Wakujela washulukile ali ikeye mu cifwa ngwe katela. Co mwilu mwatundile lijwi ngwalyo, “Yove u Munange injazema, njilinakuvwaelela ali yove.”

Luka 9:35

Co lijwi lyatundile mu lishelwa lyendekele kuli vakevo ngwalyo, “Ou ikeye Munange injinaangula, mutolilileni!”

Yowano 10:28

Njivana mwonyo wa myaka yoshe, co kuvakatsi embwe. Co naumo wai akavacakununa mu livoko lyange.

Yowano 11:42

Njinazivuka ngwange simbu yoshe ukanjizivi, oloni njendeka eci omwo mbunga eyi inemana kuno, vakulaele ngeci yove wanjitumine.”

Yowano 14:6

Yesu wamukumbulwile ngwendi, “Yange ngila, na vushunga, na mwonyo, naumo wai aya kuli Tate oloni kuvanga ali yange.

Yowano 15:24

Nga kunjalingile vyuma vije naumo wai wavilingile akati kavo, kuvesi na vuvi, oloni vanamono vije njalingile, co vatuzinda nange na Tate.

Yowano 17:2

Omwo wamwanene moko yakushwana vanu voshe, ngeci aane mwonyo wa myaka yoshe kuli vaje voshe vawamwanene.

Yowano 3:15

ngeci woshe akulaela kuli ikeye akale na mwonyo wa myaka yoshe.

Yowano 3:33

Oloni woshe atambula muzimbu wendi amwesa ngeci Njambi wapwa muka-vushunga.

Yowano 6:40

Omwo eci cikeco cizango ca Tate ngeci voshe vaje vamona Mwana nakukulaela kuli ikeye vakale na mwonyo wa myaka yoshe. Co njikavasangwila ku mwonyo a litangwa lyakukotoka.”

Yowano 6:47

Mwa vushunga njimileka ngwange, uje akulaela ali na mwonyo wa myaka yoshe.

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

Yowano 6:53

Ngecivene,Yesu wendekele kuli vakevo ngwendi, “Mwa vushunga njimileka ngwange, nga kumuli muvila wa Muna Munu nakunwa maninga endi, kumukakala na mwonyo.

Yowano 6:54

Woshe alya muvila wange nakunwa maninga ange ali na mwonyo wa myaka yoshe, co njikamusangwila ku mwonyo a litangwa lyakukotoka.

Yowano 6:58

Eli likelyo likende lije lyatundile mwilu, kesi ngwe likende lije valile vakukulwila veni, co vatsile embwe. Uje alya likende eli akayoya myaka yoshe.”

Yowano 6:62

Asinoni vatijo nga mumona Muna Munu eluka ku mutambela kuje kwakele laja?

Yowano 6:68

Simoni Petulu wamukumbulwile ngwendi, “Mwene, tuya kuli iyajo lalo? Yove uli na majwi aje aana mwonyo wa myaka yoshe.

Yowano 8:18

Yange njambulula vukaleo vwange, co Tate uje wanjitumine ambulula vukaleo vwange lalo.”

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 2:22

“Tolilileni ku majwi awa, yeni vakwetu vaIsalele! Yesu wa ku Nazaleta wapwile munalume uje moko yendi ya vuNjambi yasholwele mwamuvwa kuli yeni vikomokeso na vizivukiso vije vyalingile Njambi muli ikeye. Yeni vavenya mwazivuka evi, omwo vyuma evi vyalingiwile akati keni.

Loma 4:11

Vamutuwile, co kutuuka kwendi kwapwile cimweso kumwesa ngeci omwo akukulaela kwendi Njambi wamulaveleleco kupwa muka-vushunga simbu kanda vacimutuule. Ngecivene, Avilahama napu ishe ya voshe vaka-kukulaela kuli Njambi, co Njambi navatambula kupwa vaka-vushunga, nambe kuvatuukile.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

1 Kolinte 6:13

Weka endeka ngwendi, “Vyakulya vyapwa vya lifu, co lifu lyapwa lya vyakulya.” Eyo, oloni Njambi akanyongesa vyoshe vivali. Muvila wa munu kuvapandele kuupangesa ku vupangala, oloni wapwa wakupangela Mwene, co Mwene aana vije vishakiwa ku muvila.

1 Kolinte 9:2

Nameme nga kuli veka kuvanjitambwile ngwe nji muluwa, oloni yeni munanjitambula! Omwo a myonyo yeni amo na Mwene yeni vavenya munapu vakaleo ngeci yange njinapu nji muluwa.

2 Kolinte 4:18

Omwo twakengelela, kesi ngwe ku vyuma twamono embwe, oloni ku vyuma vije kanda tumone. Vyuma vije kutwasa kumona vyasa kukala kasimbu lika, oloni vyuma vije kutwasa kumona vya ku myaka yoshe.

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Kwituluka mu Mashiko 30:13

Kulyesi musambwa ya mema a kalunga, ngeci mwihule ngweni, ‘Iyajo akatujavukila musambwa ya mema a kalunga, ngeci atunenelelyo tulizivisise ngeci tulyononoke?’

Filipu 2:13

omwo simbu yoshe Njambi alinakupanga muli yeni ngeci mukale na cizango, co ngeci mwase kwononoka vutumbe vwendi vavenya.

Kolose 1:29

Akupanga evi njiwundangana nakulwa nakupangesa nzili yoshe ije yalinakunjana Kilistu, co ilinakupanga muli yange.

Kolose 2:22

Vyuma vyoshe evi vilumbununa vyuma vije vipwa vyakujeneka seo anima yakuvipangesa, vinapu lika mashiko na vilongesa vya vanu.

Kolose 3:2

Akeni vimbunge vyeni ku vyuma vije vili mwilu, kesi ku vyuma vije vili ano asi embwe.

1 Tesalonika 1:3

Omwo tukanuka ku mesho a Njambi yetu na Tatetu vipangi vya kukulaela kweni nakuundangana kwa cizemo na cinyangavili cakukola mbe muli Mwene Yesu Kilistu.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

VaHevelu 12:16

Nyanyameni ngeci naumo wai apwe muka-vupangala nambe muka-mbunge yaivi ngwe Isau, uje walandesele vukulunu vwendi kuli shongo yendi na tuvyakulya twatundondo lika.

VaHevelu 4:11

Ngecivene, tutakameni ngeci tukatambule kuhwima kuje, moneni ngeci naumo wai wetu onwe ngwe muvalingile vakevo omwo kuvakulaelele.

Yakomba 1:11

Omo litangwa lituuka na misha yalyo ya ntwima nakujujwamesa mwila, co vishani vyakwo vitotomoka na vuvwa vwavyo vunyonga. Ngecivene, mu cifwa cimo vene muka-kufuka akanyonga omwo acitwalelelao mu vilinga vyendi.

1 Petulu 1:24

Ngwe muvyendeka visoneka ngwavyo, “Vanu voshe vanapu ngwe mwila, co vumpau vwavo vwoshe vunapu ngwe vishani. Mwila ujujwama na vishani vitotomoka,

2 Petulu 1:17

Netu kutwakele omo vamwanene kasingimiko na vumpau kuli Ishe Njambi, omo lijwi lyezile kuli Ikeye lyakutunda kuli uje Mutwe wa Vumpau ngwalyo, “Ou ikeye Munange injazema, muli ikeye njilinakuvwaelela.”